Janardhan Kodavoor/ Team KaravaliXpress
33 C
Udupi
Friday, February 26, 2021

ಶ್ರೀ ಭಂಡಾರಕೇರಿ ಮಠ : ಇಬ್ಬರು ಪೂರ್ವಯತಿಗಳ ವೃಂದಾವನ ಶೋಧ , ಪುನಃಪ್ರತಿಷ್ಠೆ

ಜಗದ್ಗುರು ಶ್ರೀ ಮಧ್ವಾಚಾರ್ಯರಿಂದ ಸ್ಥಾಪಿಸಲ್ಪಟ್ಟ ಮಠಗಳಲ್ಲಿ ಒಂದಾಗಿರುವ ಶ್ರೀ ಭಂಡಾರಕೇರಿ ಮಠದ ಶ್ರೀ ಸತ್ಯತೀರ್ಥ ಯತಿಪರಂಪರೆಯ ಇಬ್ಬರು ಪೂರ್ವಯತಿಗಳ ಮೂಲ ವೃಂದಾವನವು ಶೋಧಿಸಲ್ಪಟ್ಟಿದ್ದು ಅವುಗಳ ಪುನರ್ನಿರ್ಮಾಣಪೂರ್ವಕ ಪುನಃಪ್ರತಿಷ್ಠಾ ಮಹೋತ್ಸವವು ಶ್ರೀ ಮಠದ ಈಗಣ ಯತಿಗಳಾದ ಶ್ರೀ ವಿದ್ಯೇಶತೀರ್ಥ ಶ್ರೀಪಾದರ ನೇತೃತ್ವ , ಜೋತಿರ್ವಿದ್ವಾನ್ ಇರ್ವತ್ತೂರು ಗೋಪಾಲ‌ ಜೋಯಿಸರ ಮಾರ್ಗದರ್ಶನ‌, ವಿದ್ವಾನ್ ಕೃಷ್ಣ ಕುಮಾರ ಆಚಾರ್ಯರ ಅಧ್ವರ್ಯುತನದಲ್ಲಿ ಸೋಮವಾರ ನೆರವೇರಿತು .

ಶ್ರೀ ಮಠದಲ್ಲಿ ಇತ್ತೀಚೆಗೆ ನಡೆದ ಆರೂಢ ಪ್ರಶ್ನೆಯ ಸಂದರ್ಭದಲ್ಲಿ ಪೂರ್ವಯತಿದ್ವರ ವೃಂದಾವನ ಭೂಗತ ವಾಗಿರುವುದು ಅರಿವಿಗೆ ಬಂದಿತ್ತು. ಈ ಹಿನ್ನೆಲೆಯಲ್ಲಿ ಮಠದ ಅಧೀನದ ಜಮಿನಿನಲ್ಲಿ ಶೋಧ ನಡೆಸಿದಾಗ ಪರಂಪರೆಯ 25 ನೇ ಯತಿಗಳಾದ ಶ್ರೀ ವಿದ್ಯಾರಾಜೇಂದ್ರತೀರ್ಥರು ಮತ್ತು 13 ನೆಯವರಾದ ಶ್ರೀ ವಿಶ್ವೋತ್ತಮತೀರ್ಥರ ವೃಂದಾವನದ ಸ್ಥಳ ಶೋಧಿಸಲ್ಲಪಟ್ಟಿತ್ತು .

ಇದೀಗ ಅದೇ ಸ್ಥಳದಲ್ಲಿ ನೂತನ ಶಿಲಾಮಯ ವೃಂದಾವನ ಗಳನ್ನು ನಿರ್ಮಿಸಿ ಪುನಃ ಪ್ರತಿಷ್ಠಾಪಿಸಲಾಗಿದೆ. ಅದೇ ರೀತಿ ಮಠದ ಆವರಣದಲ್ಲಿ ಆರಾಧಿಸಲಾಗು ತ್ತಿರುವ ವೃಂದಾವನಗಳಲ್ಲಿ ಒಂದು ಯಾರದ್ದೆಂಬ ಬಗ್ಗೆಯೂ ಮಾಹಿತಿ ಇರಲಿಲ್ಲ. ‌ಇದೀಗ ಆ ಬಗ್ಗೆಯೂ ಬಹಳ ನಿಷ್ಕರ್ಷೆ ನಡೆಸಿ 3ನೆಯ ಯತಿಗಳಾದ ಶ್ರೀ ಹಿರಣ್ಯಗರ್ಭ ತೀರ್ಥರದ್ದೆಂದು ನಿರ್ಣಯಿಸಲಾಗಿದೆ .

ಶ್ರೀ ಮಠದ ಬಗ್ಗೆ ಒಂದಿಷ್ಟು : ಶ್ರೀ ಕೋದಂಡರಾಮ ದೇವರು ಆರಾಧ್ಯಮೂರ್ತಿಯಾಗಿರುವ ಶ್ರೀ ಭಂಡಾರಕೇರಿ ಮಠವು ಉಡುಪಿ ಸಮೀಪದ ಬಾರಕೂರಿನಲ್ಲಿ ಮೂಲ ಮಠವನ್ನು ಹೊಂದಿದ್ದು ಉಡುಪಿ ರಥಬೀದಿಯ ಸುತ್ತಿನಲ್ಲೂ ಒಂದು ಮಠ ಇದೆ . ಬಾರಕೂರು ಅರಸೊತ್ತಿಗೆಯಿಂದ ಭರಪೂರ ಮಾನ್ಯತೆಯನ್ನು ಪಡೆದಿತ್ತು ಎನ್ನುವುದು ಶ್ರೀ ಮಠದಲ್ಲಿ ಹಾಗೂ ಬಾರಕೂರಿನಲ್ಲಿ ಲಭ್ಯವಿರುವ ದಾನಶಾಸನಗಳಿಂದ ತಿಳಿದುಬರುತ್ತದೆ. ಮೈಸೂರು ಬೆಂಗಳೂರುಗಳಲ್ಲೂ ಮಠದ ಶಾಖೆಗಳಿವೆ .

ಅನೇಕ ಮಹಾಜ್ಞಾನಿಗಳ ಈ ಯತಿ ಪರಂಪರೆಯಲ್ಲಿ ಶ್ರೀ ವಾದಿರಾಜ ಗುರು ಸಾರ್ವಭೌಮ ರ ಪೂರ್ವಾಶ್ರಮದ ಸಹೋದರರಾಗಿದ್ದ ಶ್ರೀ ಸುರೋತ್ತಮ ತೀರ್ಥರೂ ಸೇರಿದ್ದಾರೆ. ಈ ಮಠದಲ್ಲಿ ಯತಿಗಳಾಗಿದ್ದ ಶ್ರೀ ವಿದ್ಯಾಮಾನ್ಯ ತೀರ್ಥರು ಬಳಿಕ ಪಲಿಮಾರು ಮಠಕ್ಕೆ ನಿಯುಕ್ತಿಗೊಂಡು ಸ್ಮರಣೀಯವೆನಿಸುವ ಎರಡು ಪರ್ಯಾಯಗಳನ್ನು ನಡೆಸಿದ್ದು ಈಗ ಇತಿಹಾಸ. ಪೇಜಾವರ ಮಠದ ಶ್ರೀ ವಿಶ್ವೇಶತೀರ್ಥರೂ ಸನ್ಯಾಸ ಸ್ವೀಕರಿಸಿದ ಬಳಿಕ ಅನೇಕ ವರ್ಷ ಭಂಡಾರಕೇರಿ ಮೂಲ ಮಠದಲ್ಲೇ ಶಾಸ್ತ್ರಾಧ್ಯಯನ ನಡೆಸಿದ್ದು ವಿಶೇಷ .

ಪ್ರಸ್ತತ 34 ನೇರ ಉತ್ತರಾಧಿಕಾರಿಗಳಾಗಿರುವ ಶ್ರೀವಿದ್ಯೇಶತೀಥರು ಸ್ವಭಾವತಃ ಅಂತರ್ಮುಖಿಗಳೂ , ಅಧ್ಯಯನ ಶೀಲರೂ , ತಪಃ ಸ್ವಾಧ್ಯಾಯ ನಿಷ್ಟರೂ ಆಗಿದ್ದಾರೆ. ಕವಿಗಳೂ ಆಗಿರುವ ಇವರು ಸಂಸ್ಕೃತ ಕನ್ನಡದಲ್ಲಿ ದೇವ – ದೇವತೆಗಳನ್ನು ಸ್ತುತಿಸುವ ಪದ್ಯ ಕಾವ್ಯಗಳನ್ನು ರಚಿಸಿದ್ದಾರೆ. ಶ್ರೀ ಭಾಗವತ ,ಮಹಾಭಾರತವೇ ಮೊದಲಾದವುಗಳ ನಿರಂತರ ಪ್ರವಚನಗಳ ಮುಲಕ ಶ್ರೀ ಮಧ್ವರ ತತ್ತ್ವ ಸಂದೇಶ ಪ್ರಸಾರ ಕಾರ್ಯ ನಿರತರಾಗಿದ್ದಾರೆ .      ✍️ ಜಿ ವಾಸುದೇವ ಭಟ್ ಪೆರಂಪಳ್ಳಿ

- Advertisement -

ಸಂಬಂಧಿತ ಸುದ್ದಿ

Leave a Reply

ಛಾಯಾಂಕಣ

ಇತ್ತೀಚಿನ ಸುದ್ದಿ

ಕಿದಿಯೂರು ಹೋಟೆಲ್ ನಲ್ಲಿರುವ  ಶ್ರೀ ನಾಗದೇವರ ಸನ್ನಿಧಾನದಲ್ಲಿ 34 ನೇ ವಾರ್ಷಿಕ ಮಹಾಪೂಜೆ 

ಉಡುಪಿ:  ಕಿದಿಯೂರು ಹೋಟೆಲ್ ನಲ್ಲಿರುವ  ಶ್ರೀ ನಾಗದೇವರ ಸನ್ನಿಧಾನದಲ್ಲಿ 34 ನೇ ವಾರ್ಷಿಕ ಮಹಾಪೂಜೆ  ಶುಕ್ರವಾರ ವಿದ್ವಾನ್ ಕಬಿಯಾಡಿ​ ​ಜಯರಾಮ ​ಆಚಾರ್ಯ  ಮಾರ್ಗ ದರ್ಶನದಲ್ಲಿ  ಆಶ್ಲೇಷಾಬಲಿ , ನವಕ ಕಲಶ, ಪ್ರಧಾನ ಹೋಮ...

ಭಾರತೀಯ ಚಾರ್ಟರ್ಡ್ ಅಕೌಟೆಂಟ್ಸ್ ಸಂಸ್ಥೆಯ ದಕ್ಷಿಣ ಭಾರತ ಪ್ರಾಂತೀಯ ಮಂಡಳಿ ಉಡುಪಿ ಶಾಖೆಗೆ ಸಿಎ. ಕವಿತ ಎಮ್ ಪೈ ಟಿ ನೂತನ  ಅಧ್ಯಕ್ಷೆ 

ಉಡುಪಿ: ಭಾರತೀಯ ಚಾರ್ಟರ್ಡ್ ಅಕೌಟೆಂಟ್ಸ್ ಸಂಸ್ಥೆಯ ದಕ್ಷಿಣ ಭಾರತ ಪ್ರಾಂತೀಯ ಮಂಡಳಿ ಉಡುಪಿ ಶಾಖೆಗೆ ಸಿಎ. ಕವಿತ ಎಮ್ ಪೈ ಟಿ ಅವರು 2021-22 ನೇ ಸಾಲಿಗೆ 20ನೇ ಅಧ್ಯಕ್ಷರಾಗಿ ಆಯ್ಕೆ ಆಗಿದ್ದಾರೆ. ಈ...

ಶ್ರೀ ದುರ್ಗಾ ದೇವಸ್ಥಾನ ಕುಂಜೂರುವಿನಲ್ಲಿ ಮಾರ್ಚ್,1ರಂದು ತ್ರಿಕಾಲ ಪೂಜೆ 

 ದುರ್ಗಾ ಸೇವಾ ಸಮಿತಿ ಕುಂಜೂರು ಇವರು ಆಯೋಜಿಸುವ  ಶ್ರೀ ದುರ್ಗಾ ದೇವಸ್ಥಾನ ಕುಂಜೂರು ಇಲ್ಲಿ ಮಾರ್ಚ್,1 ರಂದು  ತ್ರಿಕಾಲ ಪೂಜೆ ಅನ್ನಸಂತರ್ಪಣೆ ಮುಂತಾದ ಧಾರ್ಮಿಕ ವಿಧಿವಿಧಾನಗಳು ನಡೆಯಲಿವೆ. ದಿನದ ತ್ರಿಸಂಧ್ಯಾ ಕಾಲಗಳಲ್ಲಿ  ಶ್ರೀ ದುರ್ಗಾ ಮಾತೆಗೆ ವಿಸ್ತೃತ...

ಹೆಸರಾಂತ ಆಯುರ್ವೇದ ವೈದ್ಯ ಜಿ. ಶ್ರೀನಿವಾಸ ಆಚಾರ್ಯ ನಿಧನ

ಉಡುಪಿ: ಇಲ್ಲಿನ ಕುತ್ಪಾಡಿ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಆಯುರ್ವೇದ ಕಾಲೇಜು ಪ್ರಾಚಾರ್ಯ ಡಾ. ಜಿ. ಶ್ರೀನಿವಾಸ ಆಚಾರ್ಯ ಗುರುವಾರ ರಾತ್ರಿ 9 ಗಂಟೆ ಸುಮಾರಿಗೆ ಇಲ್ಲಿನ ಖಾಸಗಿ ಆಸ್ಪತ್ರೆಯಲ್ಲಿ ನಿಧನರಾದರು. ಅವರಿಗೆ...
error: Content is protected !!