ಉಡುಪಿ :ಕೊಡವೂರು ಮಸೀದಿಗೆ ಅಕ್ರಮವಾಗಿ ಜಾಗ ವರ್ಗಾಯಿಸಿದ ವಿವಾದ, ಪಂಚಧೂಮಾವತಿ ಸರಕಾರಿ ಭೂಮಿಯನ್ನು ದೈವಸ್ಥಾನ ಸಹಿತವಾಗಿ ಮಸೀದಿಗೆ ನೀಡಿದ್ದ ಕಂದಾಯ ಇಲಾಖೆ. ಸ್ಥಳದಲ್ಲಿ ನೂರಾರು ಸಂಖ್ಯೆಯಲ್ಲಿ ಜಮಾಯಿಸಿದ ಗ್ರಾಮಸ್ಥರು ಮತ್ತು ಹಿಂದೂ ಪರ ಸಂಘಟನೆ ಕಾರ್ಯಕರ್ತರು.
ಸ್ಥಳಕ್ಕೆ ಬಂದ ಶಾಸಕರು, ಗ್ರಾಮಸ್ಥರ ಮನವೊಲಿಸಿ, ಉಡುಪಿ ಡಿಸಿಯವರು ಇದನ್ನು ಸರಿಪಡಿಸುವಂತೆ ವರದಿ ಮಾಡಿದ್ದಾರೆ. ಒಂದು ತಿಂಗಳ ಒಳಗೆ ದಾಖಲೆಯನ್ನು ಸರಿಪಡಿಸಲಾಗುವುದು ಎಂದು ಶಾಸಕ ರಘುಪತಿ ಭಟ್ ಭರವಸೆ ನೀಡಿದರು.
ಖಾಸಗಿ ಸ್ಥಳದಲ್ಲಿ ಮಸೀದಿಯವರು ಅಳವಡಿಸಿದ್ದ ಸಿಸಿಟಿವಿಯನ್ನು ತೆರವುಗೊಳಿಸುವಂತೆ ಗ್ರಾಮಸ್ಥರ ಮನವಿಗೆ ಸ್ಪಂದಿಸಿದ ಪೊಲೀಸರು ಸಿಸಿಟಿವಿಯನ್ನು ತೆರವುಗೊಳಿಸಿದರು. ಸ್ಥಳದಲ್ಲಿ ಬಿಗುವಿನ ವಾತಾವರಣ ನಿರ್ಮಾಣವಾಗಿತ್ತು. ಅಧಿಕ ಸಂಖ್ಯೆಯಲ್ಲಿ ಪೊಲೀಸ್ ನಿಯೋಜನೆಯಾಗಿತ್ತು.
ಈ ಸಂದರ್ಭದಲ್ಲಿ ನಗರಸಭಾ ಸದಸ್ಯ ವಿಜಯ ಕೊಡವೂರು, ಸಂವೇದನಾ ಪೌಂಡೆಷನ್ ನ ಪ್ರಕಾಶ್ ಮಲ್ಪೆ, ಪಂಚ ಧೂಮಾವತಿ ದೈವಸ್ಥಾನದ ಅಧ್ಯಕ್ಷ ಶುಭಾಶ್ ಮೆಂಡನ್, ಹಾಗು ದೈವಸ್ಥಾನ ಸಮಿತಿಯ ಸದಸ್ಯರು, ಗ್ರಾಮಸ್ಥರು ಅಧಿಕ ಸಂಖ್ಯೆಯಲ್ಲಿ ನೆರೆದಿದ್ದರು.
By 
ForthFocus™