ಮತ್ತೆ ರಾಗಿಣಿ,​ ​ಸಂಜನಾ  ​ಇಬ್ಬರಿಗೂ ಜೈಲೂಟದ ಚಂದನವನ

ಬೆಂಗಳೂರು: ಚಂದನವನದ ಡ್ರಗ್ಸ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸದ್ಯ ಪರಪ್ಪನ ಅಗ್ರಹಾರದಲ್ಲಿದ್ದ ರಾಗಿಣಿ ದ್ವಿವೇದಿ ಮತ್ತು ಸಂಜನಾ ಗಲ್ರಾನಿ ಇಬ್ಬರು  ನಟಿಯರಿಗೆ ಇನ್ನಷ್ಟು ದಿನಗಳ ಜೈಲೂಟ  ಗ್ಯಾರೆಂಟಿಯಾಗಿದೆ.​ ​ಹೌದು ಎನ್​ಡಿಪಿಎಸ್​ ವಿಶೇಷ ನ್ಯಾಯಾಲಯ ನಟಿಮಣಿಯರು ಸಲ್ಲಿಸಿದ್ದ ಜಾಮೀನು ಅರ್ಜಿಯನ್ನು  ವಜಾಗೊಳಿಸಿದೆ.​

 ಈ ಹಿಂದೆ ಸಿಸಿಬಿ ಕೈ ಸೇರಿದ್ದ ನಟಿಯರು ನಂತರ ಜೈಲು ಪಾಲಾಗಿದ್ದರು. ರಾಗಿಣಿ ಸೆಪ್ಟೆಂಬರ್​ 14 ರಂದು ಮತ್ತು ಸಂಜನಾ ಸೆಪ್ಟೆಂಬರ್​ 16ರಂದು ಬಂಧನವಾಗಿದ್ದ ಇವರಿಬ್ಬರ ಜಾಮೀನು ಅರ್ಜಿ ವಿಚಾರಣೆಯನ್ನು ನ್ಯಾಯಾಲಯ ಮುಂದೂಡಿತ್ತು. ಇಂದು ನಡೆದ ಜಾಮೀನು ವಿಚಾರಣೆಯಲ್ಲಿ ಅರ್ಜಿ ತಿರಸ್ಕರಿಸಿದ ವಿಶೇಷ ನ್ಯಾಯಾಲಯ, ಸಿಸಿಬಿ ತನಿಖೆ ಇನ್ನೂ ಪ್ರಾಥಮಿಕ ಹಂತದಲ್ಲಿರುವುದರಿಂದ ಜಾಮೀನು ನೀಡಲು ಸಾಧ್ಯವಿಲ್ಲ ಎಂಬುದನ್ನು ಹೇಳಿದ್ದಾರೆ.​

 ಇಂದು ಜಾಮೀನು ಸಿಗುವ ಮತ್ತು ಬಿಡುಗಡೆಯಾಗುವ ಆಸೆ ಹೊಂದಿದ್ದ ನಟಿಯರಿಬ್ಬರೂ ತೀರ್ಪು ಕೇಳಿ ಬೇಸರ ಗೊಂಡಿದ್ದಾರೆ. ನಾವು ಯಾವ ತಪ್ಪು ಮಾಡಿಲ್ಲ ಎನ್ನುತ್ತ ಜೈಲಿನ ಅಧಿಕಾರಿಗಳಲ್ಲಿ ಹೇಳಿ ಕೊಂಡಿದ್ದಾರೆ. ಹಾಗೇ ಇನ್ನುಳಿದ ಆರೋಪಿಗಳಾದ ಶಿವಪ್ರಕಾಶ್, ವಿನಯ್ ಕುಮಾರ್ ಹಾಗೂ​ ರಾಹುಲ್​ ತೋನ್ಸೆ ಸಲ್ಲಿಸಿದ್ದ ಅರ್ಜಿಯನ್ನೂ  ಕೋರ್ಟ್ ವಜಾಗೊಳಿಸಿದೆ.