ನವದೆಹಲಿ: ವಾಹನ ಚಾಲಕರು ಇನ್ನು ಮುಂದೆ ಕೇವಲ ನ್ಯಾವಿಗೇಶನ್ ಗೆ ಮಾತ್ರ ಮೊಬೈಲ್ ಬಳಸಲು ಅವಕಾಶವಿದೆ ಎಂದು ರಸ್ತೆ ಸಂಚಾರ ಸಚಿವಾಲಯ ಅಧಿಸೂಚನೆ ನೀಡಿದೆ.
ನ್ಯಾವಿಗೇಷನ್ ಗಾಗಿ ಬಳಸುವ ಫೋನ್ ಕೂಡ ಚಾಲಕನಿಗೆ ತೊಂದರೆಯಾಗದಂತೆ ವಾಹನದ ಡ್ಯಾಷ್ಬೋರ್ಡ್ ಮೇಲೆ ಇಟ್ಟಿರಬೇಕು. ಆದರೆ ವಾಹನ ಚಾಲಾಯಿಸುವಾಗ ಮೆಸೇಜ್ ಅಥವಾ ಕರೆ ಮಾಡುವಂತಿಲ್ಲ ಯಾಕೆಂದರೆ ವಾಹನ ಚಲಾಯಿಸುವಾಗ ಟೆಕ್ಸ್ಟ್ ಮಾಡುವದರಿಂದ ಅಪಘಾತದ ಪ್ರಮಾಣ ನಾಲ್ಕು ಪಟ್ಟು ಅಧಿಕವಾಗಿರುತ್ತದೆ ಎನ್ನುವುದು ಜಾಗತಿಕ ಅಧ್ಯಯನದಿಂದ ತಿಳಿದು ಬಂದಿದ್ದು ಹೀಗಾಗಿ ಈ ತಿದ್ದುಪಡಿ ತರಲಾಗಿದೆ. ವಾಹನ ಚಲಾಯಿಸುವಾಗ ಮೊಬೈಲ್ ಬಳಕೆ ಮಾಡುವುದು ಅತ್ಯಂತ ಅಪಾಯಕಾರಿ ವಿಭಾಗಕ್ಕೆ ಸೇರ್ಪಡೆಯಾಗಿದೆ. ಈ ನಿಯಮವನ್ನು ಉಲ್ಲಂಘಿಸಿದರೆ 5,000 ರೂಪಾಯಿ ವರೆಗೆ ದಂಡ ಅಥವಾ ಒಂದು ವರ್ಷದವರೆಗೆ ಜೈಲು ಶಿಕ್ಷೆ ನಿಗದಿಪಡಿದ್ದು, ಅಲ್ಲದೆ ಈ ಎರಡನ್ನೂ ಏಕಕಾಲಕ್ಕೆ ವಿಧಿಸುವ ಸಾಧ್ಯತೆಯು ಇದೆ.
ಇನ್ನು ಚಾಲನಾ ಪರವಾನಗಿ (ಡಿಎಲ್), ಪರ್ವಿುಟ್ಗಳು, ನೋಂದಣಿ (ಆರ್ಸಿ), ವಿಮೆ ಮತ್ತು ಫಿಟ್ನೆಸ್ ಸರ್ಟಿಫಿಕೆಟ್ ಮುಂತಾದ ಕಾಗದ ಪತ್ರಗಳ ಡಿಜಿಟಲ್ ದಾಖಲೆಗಳನ್ನು ಬಳಸಬಹುದು ಎಂಬ ಅನುಮತಿ ಸಚಿವಾಲಯ ನೀಡಿದೆ. ಹೀಗೆ ಹಲವು ವಿಷಯಗಳಲ್ಲಿ ತಿದ್ದುಪಡಿಯಾದ ಮೋಟಾರು ವಾಹನ ಕಾಯ್ದೆ ಅಕ್ಟೋಬರ್ 1ರಿಂದ ಜಾರಿಯಾಗಲಿದೆ.
ಅಕ್ಟೋಬರ್ 1 ರಿಂದ ದೇಶದಾದ್ಯಂತ ವಾಹನ ಚಾಲಕರಿಗೆ ಏಕ ರೂಪದ ಡಿಎಲ್ ಮತ್ತು ಆರ್ಸಿ ನೀಡ ಲಾಗುತ್ತದೆ. ನೂತನ ಡಿಎಲ್ನಲ್ಲಿ ಸುಧಾರಿತ ಮೈಕ್ರೋಚಿಪ್ ಇದ್ದು ಅದರಲ್ಲಿ ಕ್ವಿಕ್ ರೆಸ್ಪಾನ್ಸ್ (ಕ್ಯೂಆರ್) ಕೋಡ್ ಮತ್ತು ನಿಯರ್ ಫೀಲ್ಡ್ ಕಮ್ಯುನಿಕೇಷನ್ (ಎನ್ಎಫ್ಸಿ) ಫೀಚರ್ಗಳು ಇರುತ್ತವೆ.ಈ ಹೊಸ ಬದಲಾವಣೆಗಳು, ದಾಖಲೆಗಳನ್ನು ಕೇಂದ್ರೀಕೃತ ಆನ್ಲೈನ್ ಡೇಟಾಬೇಸ್ನಲ್ಲಿ ಹತ್ತು ವರ್ಷ ಕಾಲ ಉಳಿಸಿಕೊಳ್ಳಲು ಸಹಾಯ ವಾಗಲಿದೆ.