ತಮಿಳುನಾಡು ಪಾಲಿಟಿಕ್ಸ್  ಮೇಲೆ ಅಣ್ಣಾಮಲೈ ಕಣ್ಣು 

ಮೋದಿ ಅವರ ಮೇಲೆ ಬಹಳ ವಿಶ್ವಾಸ, ನಂಬಿಕೆ ಇದೆ. ಅವರ ಕೈಯನ್ನು ನಾವೆಲ್ಲರೂ ಗಟ್ಟಿ ಮಾಡಬೇಕು. ತಮಿಳುನಾಡು ಪಾಲಿ ಟಿಕ್ಸ್ ಫ್ಯಾಮಿಲಿ ಓರಿಯಂಟೆಡ್ ಬಿಸಿನೆಸ್​ ತರ ಆಯ್ತು. ಬಿಜೆಪಿ ಪಾರ್ಟಿ ಒಬ್ಬ ಸಾಮಾನ್ಯ ಮನುಷ್ಯರದ್ದು. ನಮಗೇನೂ ದುಡ್ಡಿಲ್ಲ, ನಾವು ರಾಜಕೀಯ ಮಾಡಲು, ತಮಿಳುನಾಡಿನಲ್ಲಿ ಒಳ್ಳೆಯ ಪಕ್ಷವನ್ನು ಅಧಿಕಾರಕ್ಕೆ ತರಲು ಬಿಜೆಪಿಯೇ ಸೂಕ್ತ ಎನ್ನುವ ಮೂಲಕ ತಮಿಳುನಾಡು ರಾಜಕೀಯದಲ್ಲಿ ಹೊಸ ಅಲೆ ಸೃಷ್ಟಿಸುವ ಬಗ್ಗೆ ಸುಳಿವು ನೀಡಿದರು.

ನಾನು ಉಡುಪಿ, ಮಂಗಳೂರು ಎಲ್ಲ ಕಡೆಯೂ ಕೆಲಸ ಮಾಡಿದ್ದೇನೆ. ನನಗೆ ತುಂಬಾ ಜನ ಮುಸ್ಲಿಂ, ಕ್ರಿಶ್ಚಿಯನ್, ಹಿಂದು ಸ್ನೇಹಿತ ರಿದ್ದಾರೆ. ಬಿಜೆಪಿ ಎಂಬುದು ಎಲ್ಲ ಸಮು ದಾಯಕ್ಕೂ ಸೇರಿದ್ದು. ನಾನು ಪೊಲೀಸ್​ ಕೆಲಸದಲ್ಲಿ ಇದ್ದಾಗ ಯೂನಿಫಾರಂಗೆ ಮರ್ಯಾದೆ ಕೊಟ್ಟು ಆ ಧರ್ಮಕ್ಕೆ ಕೆಲಸ ಮಾಡಿದ್ದೇನೆ. ಈಗ ಬಿಜೆಪಿ ಪಕ್ಷಕ್ಕಾಗಿ ಕೆಲಸ ಮಾಡ್ತೀನಿ ಎಂದು ಹೇಳಿದರು.

ಕರ್ನಾಟಕ ಕೇಡರ್‌ನಲ್ಲಿ ಐಪಿಎಸ್‌ ಅಧಿಕಾರಿಯಾಗಿದ್ದ ಕೆ. ಅಣ್ಣಾಮಲೈ, ರಾಜ್ಯದ ಹಲವೆಡೆ ದಕ್ಷತೆಯಿಂದ ಕಾರ್ಯನಿರ್ವಹಿಸಿ ಯುವ ಜನಾಂಗದ ರೋಲ್​ ಮಾಡೆಲ್​ ಆಗಿದ್ದರು. ಕಳೆದ ವರ್ಷ ಸ್ವಯಂ ನಿವೃತ್ತಿ ಪಡೆದಿದ್ದ ಅವರು ಇದೀಗ ರಾಜಕೀಯದಲ್ಲಿ ಸೇವೆ ಸಲ್ಲಿಸ ಲಿದ್ದಾರೆ.