ಕೃಷ್ಣ ಮಠೊಟು ತುಲು ಲಿಪಿ ಕಲ್ಪುನ ಕಜ್ಜಕೊಟ್ಯೊ ನಡಪಾವೊಡು ಪಂದ್ ಅರಿಕೆ 

ಒಡಿಪು : ಜೈ‌ ತುಲುನಾಡ್ (ರಿ.) ಸಂಘಟನೆ ನವೆಂಬರ್ 20 ತಾರೀಕ್‌ಗ್ ಒಡಿಪು ಮಠೊಟು ತುಲು ಲಿಪಿಟ್ ಪುದರ್‌ಪಲವೆ (ನಾಮಫಲಕ) ಪಾಡೊಡುಂದ್ ಅರಿಕೆ ಮಲ್ತಿತ್ತಿ ಬೊಕ್ಕ‌ ಇತ್ತೆ‌ ಒಡಿಪು ಕೃಷ್ಣ ಮಠೊಟು ತುಲು ಲಿಪಿ ಕಲ್ಪುನ ಕಜ್ಜಕೊಟ್ಯೊ ನಡಪಾವೊಡು ಪಂದ್ ಡಿಸೆಂಬರ್ 07 ತಾರೀಕ್‌ಗ್ ಪರ್ಯಾಯ ಅದಮಾರು ಮಠೊತ ಮಠಾಧೀಶೆರಾಯಿನ ಶ್ರೀ ಶ್ರೀ ಶ್ರೀ ಈಶಪ್ರಿಯ ತೀರ್ಥ ಶ್ರೀಪಾದೆರೆನ್ ಭೇಟಿಯಾದ್ ಜೈ ತುಲುನಾಡ್ (ರಿ.) ಸಂಘಟನೆರ್ದ್ ಅರಿಕೆ ಮಲ್ತ್ಂಡ್.

ಈ ಪೊರ್ತುಡು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಪದುಕೆರ್ ತಾರಾ ಆಚಾರ್ಯ,‌ ವಕೀಲೆರಾಯಿನ ರಮೇಶ್ ದೇವಾಡಿಗ, ಜೈ ತುಲುನಾಡ್ (ರಿ.) ಪ್ರಧಾನ ಕಾರ್ಯಂತೆರಾಯಿನ ಸದಾಶಿವ ಮುದ್ರಾಡಿ, ಕಂಗಣಬೆಟ್ಟು ಅಣ್ಣಪ್ಪ ಪಂಜುರ್ಲಿ ದೈವಸ್ಥಾನ ಸಮಿತಿದ ಗುರ್ಕಾರ್ಲು ಆಯಿನ ರಾಘವೇಂದ್ರ ರಾವ್, ತುಲು ಲಿಪಿ ಶಿಕ್ಷಕೆರಾಯಿನ ಶರತ್ ಕೊಡವೂರು, ಅಕ್ಷತಾ ಕುಲಾಲ್, ಪೂರ್ಣಿಮಾ ಎಲ್ಲೂರು, ಒಡಿಪು ತಾಲೂಕು ಒತ್ತು ಕಾರ್ಯಂತೆರಾಯಿನ ಸಚಿನ್ ಬಡಗುಬೆಟ್ಟು, ವಕೀಲೆರಾಯಿನ ಸುಪ್ರೀಯ ಅಖಿಲೇಶ್, ರವೀಂದ್ರ ಪೆರ್ಡೂರ್, ಶ್ರೇಯಸ್,‌ ರಾಹುಲ್ ಒತ್ತುಪಾಲಿತ್ತೆರ್.