ಆತ್ಮಹತ್ಯೆಗೆ ಯಾರಾದರೂ ಪ್ರಚೋದಿಸಿದ್ದರೆ ಅದನ್ನು ಸಾಬೀತುಪಡಿಸುವುದು ಪೋಲಿಸರ ಹೊಣೆ

ಭಾರತೀಯ ದಂಡ ಸಂಹಿತೆಯ ಕಲಂ ೧೦೭ರ ಪ್ರಕಾರ ‘ಅಬೆಟ್‌ಮೆಂಟ್’ ಅಂದರೆ, ಆರೋಪಿಯು ಮೃತ ವ್ಯಕ್ತಿಯನ್ನು ಆತ್ಮಹತ್ಯೆಗೆ ಪ್ರಚೋದಿಸಿರಬೇಕು ಅಥವಾ ಪ್ರೇರೇಪಿಸಿರಬೇಕು ಅಥವಾ ನಿರ್ದಿಷ್ಟ ಕೃತ್ಯ ಎಸಗಲು  ಉದ್ದೇಶಪೂರ್ವಕ ಸಹಾಯ ಮಾಡಿರಬೇಕು. ಐಪಿಸಿ ಕಲಂ ೩೦೬ರ ಪ್ರಕಾರ ವ್ಯಕ್ತಿ ತನ್ನ ಪ್ರಾಣವನ್ನು ಸ್ವಯಂ ನಾಶಗೊಳಿಸಲು ಆರೋಪಿ ಸಂಪೂರ್ಣ ಸಹಕಾರ ನೀಡಿರಬೇಕು ಅಥವಾ  ಅತಿಯಾಗಿ ಪ್ರಚೋದಸಿರಬೇಕು ಎಂಬುದಾಗಿದೆ.ಇದನ್ನು ಪೊಲೀಸರು ಸಾಕ್ಷ್ಯದ ಆಧಾರದ ಮೇಲೆ ಸಾಬೀತುಪಡಿಸುವುದು ಮುಖ್ಯ ಎಂದು ನ್ಯಾಯಮೂರ್ತಿಗಳಾದ ಎನ್.ವಿ.ರಮಣ, ಸೂರ್ಯ ಕಾಂತ್ ಮತ್ತು ಹೃಷಿಕೇಶ್‌ರಾಯ್ ಇವರನ್ನು ಒಳಗೊಂಡ ತ್ರಿಸದಸ್ಯ ನ್ಯಾಯಪೀಠ ಪ್ರತಿಪಾದಿಸಿದೆ.