ಸೇಕ್ರೆಡ್ ಹಾರ್ಟ್ ದೇವಾಲಯ ಕೊಳಲಗಿರಿಯಲ್ಲಿಂದು ತೆನೆಹಬ್ಬದ (ಮಾತೆ ಮಾರಿಯಮ್ಮ ಜಯಂತಿ) ಆಚರಣೆಯನ್ನು ವಿಜೃಂಭಣೆಯಿಂದ ಆಚರಿಸಲಾಯಿತು. ದೇವಾಲಯದಲ್ಲಿ ಬಲಿಪೂಜೆಯನ್ನು ದೇವಾಲಯದ ಧರ್ಮಗುರುಗಳಾದ ರೆ.ಪಾ ಅನಿಲ್ ಪ್ರಕಾಶ್ ಕ್ಯಾಸ್ಟಲಿನೋ ಹಾಗೂ ಸಹಾಯಕರಾಗಿ ರೆ.ಪಾ ಪೀಠರ್ ಫೆರ್ನಾಂಡಿಸ್ ಅವರು ನೇರವೇರಿಸಿದರು. ಈ ಸಂದರ್ಭದಲ್ಲಿ ದೇವಾಲಯದ ನವೀಕರಣಗೊಳಿಸಲಾಗುವ ಚರ್ಚ್ ಬೆಲ್ ಟವರ್ ಇದರ ಶಿಲಾನ್ಯಾಸವನ್ನು ಪ್ರಾರ್ಥನೆಯ ಮೂಲಕ ನೆರವೇರಿಸಲಾಯಿತು. ಈ ಸಂದರ್ಭದಲ್ಲಿ ಪಾಲನಾ ಮಂಡಳಿಯ ಉಪಾಧ್ಯಕ್ಷ ಶ್ರೀ ವಿನ್ಸೆಂಟ್ ಡಿ’ಸೋಜಾ, ಕಾರ್ಯಧರ್ಶಿ ಶ್ರೀ ಮೌರೀಸ್ ಮಸ್ಕರೇನ್ಹಸ್, 18 ಆಯೋಗದ ಅಧ್ಯಕ್ಷೆ ಶ್ರೀಮತಿ ಜೆಸಿಂತಾ ಡಿ’ಸೋಜಾ, 12 ವಾರ್ಡಿನ ಗುರಿಕಾರರು ಹಾಗೂ ಅಪಾರ ಭಕ್ತಾದಿಗಳ ಸಮ್ಮುಖದೊಂದಿಗೆ ನೆರವೇರಿಸಲಾಯಿತು. ಕಾರ್ಯಕ್ರಮದ ಪ್ರಾಯೋಜಕತ್ವವನ್ನು ಶ್ರೀ ವಿಲ್ಸನ್- ವಿಯೋನಾ ಡಿ’ಸೋಜಾ ಕೆನಡಾ, ನಿಖೆಲ್ ಸ್ಯಾಮ್ಯುಯೆಲ್ ಪ್ಯಾಮಿಲಿ ದುಬೈ ಹಾಗೂ ರೋಷನ್-ಸೋಫಿಯಾ ಡಿ’ಸೋಜಾ ಅವರು ವಹಿಸಿದ್ದರು. ಸಾವಿರಾರು ಭಕ್ತಾದಿಗಳು ಉಪಸ್ಥಿತರಿದ್ದರು.