ಆನ್‍ಲೈನ್ ಕಲಿಕೆ ಪಠ್ಯೇತರ ಚಟುವಟಿಕೆಗೂ ಸಹಕಾರಿ: ಯುವ ತಬಲಾ ಕಲಾವಿದ

ಉಡುಪಿ: ಇಲ್ಲಿನ ಬೈಜೂಸ್ ವಿದ್ಯಾರ್ಥಿಯಾಗಿರುವ 17 ವರ್ಷದ ಓಂಕಾರ್ ಪ್ರಭು ಅವರು ಶಿಕ್ಷಣ, ಕ್ರೀಡೆ ಮತ್ತು ಸಂಗೀತಗಳಲ್ಲಿನ ತಮ್ಮ ಸಾಧನೆಗಳ ಮೂಲಕ ಕರ್ನಾಟಕಕ್ಕೆ ಹೆಮ್ಮೆಯನ್ನು ತಂದಿದ್ದಾರೆ.

ಏಕಾಗ್ರತೆ ಮತ್ತು ಬದ್ಧತೆಯ ಮನೋಭಾವದಿಂದ ಓಂಕಾರ ಪ್ರಭು ಅವರು 2021-22ನೇ ಶೈಕ್ಷಣಿಕ ವರ್ಷದಲ್ಲಿ ನಡೆದ ದ್ವಿತೀಯ ಪಿಯುಸಿ ರಾಜ್ಯ ಪರೀಕ್ಷೆಯಲ್ಲಿ ವಿಜ್ಞಾನ ವಿಭಾಗದಲ್ಲಿ ಒಟ್ಟು 596 ಅಂಕಗಳೊಂದಿಗೆ ತೃತೀಯ ರ್ಯಾಂಕ್ ಗಳಿಸಿ ಗಳಿಸಿದ್ದಾರೆ. ಉಡುಪಿಯ ವಿದ್ಯೋದಯ ಪಿಯು ಕಾಲೇಜಿನಲ್ಲಿ ಓದುತ್ತಿರುವ ಓಂಕಾರ ಕೇವಲ ಶಿಕ್ಷಣದಲ್ಲಿ ಮಾತ್ರವಲ್ಲದೇ ಹಲವು ಇತರ ಸಾಧನೆಗಳ ಗೌರವವನ್ನು ಹೊಂದಿದ್ದಾರೆ. ಅವರು ನುರಿತ ತಬಲಾ ವಾದಕರಾಗಿದ್ದು, ಕರಾಟೆಯಲ್ಲೂ ಬ್ಲ್ಯಾಕ್‍ಬೆಲ್ಟ್ ಸಾಧನೆ ಮಾಡಿದ್ದಾರೆ.

ಕರ್ನಾಟಕ ಸಂಗೀತ ಮತ್ತು ಕರಾಟೆಯಲ್ಲಿ ತಮ್ಮ ಆಸಕ್ತಿಯ ಜೊತೆಗೆ ಅಧ್ಯಯನವನ್ನು ಸಮದೂಗಿಸುವ ಕಲೆಯನ್ನು ಕರಗತ ಮಾಡಿಕೊಳ್ಳುವ ಮೂಲಕ ಓಂಕಾರ್ ತಮ್ಮ ಗೆಳೆಯರಿಗೆ ಸ್ಫೂರ್ತಿಯಾಗಿದ್ದಾರೆ. ಓಂಕಾರ್ 8ನೇ ತರಗತಿಯಲ್ಲಿ ತಬಲಾ ನುಡಿಸಲು ಪ್ರಾರಂಭಿಸಿದರು ಮತ್ತು ಹಿಂದೂಸ್ತಾನಿ ತಬಲಾದ ಜೂನಿಯರ್ ಗ್ರೇಡ್‍ನಲ್ಲಿ ಶೇಕಡ 95 ಅಂಕಗಳನ್ನು ಗಳಿಸಿ ಇದೀಗ ಸೀನಿಯರ್ ಗ್ರೇಡ್ ಅಭ್ಯಾಸ ನಡೆಸುತ್ತಿದ್ದಾರೆ. ಜಿಲ್ಲಾ ಮಟ್ಟದ ತಬಲಾ ಸ್ಪರ್ಧೆಯಲ್ಲಿ ದ್ವಿತೀಯ ಸ್ಥಾನವನ್ನು ಪಡೆದಿದ್ದಾರೆ ಎಂದು ಬೈಜೂಸ್ ಮುಖ್ಯ ಕಂಟೆಂಟ್ ಅಧಿಕಾರಿ ವಿನಯ್ ವಿವರಿಸಿದ್ದಾರೆ.

“ಆನ್‍ಲೈನ್ ಕಲಿಕೆಯಿಂದಾಗಿ ಪಠ್ಯದ ಜತೆಗೆ ಪಠ್ಯೇತರ ಚಟುವಟಿಕೆಗಳಲ್ಲೂ ಸಾಧನೆ ಸಾಧ್ಯವಾಯಿತು. ಸಂವಾದಾತ್ಮಕ ಪಾಠ ವಿಧಾನದಿಂದ ನಾನು ಆಕರ್ಷಿತನಾಗಿದ್ದೇನೆ ಮತ್ತು ಪ್ರಯೋಜನ ಪಡೆದಿದ್ದೇನೆ. ದೃಶ್ಯಗಳು ಮತ್ತು ಸಂಗೀತದಂತಹ ಮಲ್ಟಿಮೀಡಿಯಾ ಅಂಶಗಳನ್ನು ಒಳಗೊಂಡಿರುವ ವಿಷಯವು ವೈಯಕ್ತಿಕ ಮತ್ತು ಸಾಪೇಕ್ಷವಾಗಿದೆ ಮತ್ತು ಕಲಿಕೆಯಲ್ಲಿ ತೊಡಗಿಸಿಕೊಳ್ಳುತ್ತದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.