ಇನ್‌ಸ್ಟಿಟ್ಯೂಟ್ ಆಫ್ ಚಾರ್ಟರ್ಡ್ ಅಕೌಂಟೆಂಟ್ಸ್ ಆಫ್ ಇಂಡಿಯಾ ಉಡುಪಿ ಶಾಖೆಯ ಅಧ್ಯಕ್ಷರಾಗಿ ಸಿಎ. ಕಿರಣ ಕುಮಾರ್ ಹೆಚ್.

ಇನ್‌ಸ್ಟಿಟ್ಯೂಟ್ ಆಫ್ ಚಾರ್ಟರ್ಡ್ ಅಕೌಂಟೆಂಟ್ಸ್ ಆಫ್ ಇಂಡಿಯಾ ಉಡುಪಿ ಶಾಖೆಯ (SIRC ) 2024-25ನೇ ಸಾಲಿನ ಪದಾಧಿಕಾರಿಗಳ ಸ್ಥಾಪನೆಯು ಫೆಬ್ರವರಿ 26, 2024ರಂದು ಉಡುಪಿಯ ಕುಂಜಿಬೆಟ್ಟುವಿನ ICAI ಭವನದಲ್ಲಿ ನಡೆಸಲಾಯಿತು. ಸಿಎ. ಕಿರಣ ಕುಮಾರ್ ಹೆಚ್ ಅವರು 2024-25ನೇ ಸಾಲಿಗೆ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಂಡಿದ್ದಾರೆ. ಇತರ ಪದಾಧಿಕಾರಿಗಳು: ಸಿಎ. ಅರ್ಚನಾ ಆರ್ ಮೈಯಾ ಉಪಾಧ್ಯಕ್ಷರಾಗಿ, ಸಿಎ. ರಾಘವೇಂದ್ರ ಮೊಗೇರಾಯ ಕಾರ್ಯದರ್ಶಿಯಾಗಿ, ಕೋಶಾಧಿಕಾರಿಯಾಗಿ ಸಿಎ. ಅಶ್ವಥ್ ಜೆ ಶೆಟ್ಟಿ, ಸಿಕಾಸಾ ಅಧ್ಯಕ್ಷರಾಗಿ ಸಿಎ. ಕೆ ಲಕ್ಷ್ಮೀಶ ರಾವ್, ಮತ್ತು ಸಿಎ. ಲೋಕೇಶ್ ಶೆಟ್ಟಿ ಸದಸ್ಯ ಮತ್ತು ಮಾಜಿ ಅಧ್ಯಕ್ಷರು.

ICAI ಉಡುಪಿ ಶಾಖೆಯ ಹಿಂದಿನ ಅಧ್ಯಕ್ಷರು ಸ್ಥಾಪನೆಯ ಸಂದರ್ಭದಲ್ಲಿ ಉಪಸ್ಥಿತರಿದ್ದು ಹೊಸ ತಂಡಕ್ಕೆ ಶುಭ ಹಾರೈಸಿದರು. ಸಿಎ. ಮಹೀಂದ್ರಾ ಶೆಣೈ ಪಿ ಸ್ವಾಗತಿಸಿದರು, ಅಧ್ಯಕ್ಷ ಸಿಎ. ಕಿರಣ ಕುಮಾರ್ ಹೆಚ್ ತಮ್ಮ ಭಾಷಣದಲ್ಲಿ 2024-25 ನೇ ಸಾಲಿನ ತಮ್ಮ ಕ್ರಿಯಾ ಯೋಜನೆ ಕುರಿತು ಮಾತನಾಡಿದರು. ಸಿಎ. ಅರ್ಚನಾ ಆರ್ ಮೈಯಾ ಅವರು ಕಾರ್ಯಕ್ರಮ ನಿರೂಪಿಸಿದರು ಮತ್ತು ಸಿಎ. ರಾಘವೇಂದ್ರ ಮೊಗೇರಾಯ ಅವರ ಧನ್ಯವಾದಗಳೊಂದಿಗೆ ಕಾರ್ಯಕ್ರಮವನ್ನು ಮುಕ್ತಾಯಗೊಳಿಸಲಾಯಿತು.