ನಾಗ್ಪುರ-ಪುಣೆ ಇಂಡಿಗೋ ವಿಮಾನದ ಪೈಲಟ್ ಹೊರಡುವ ಸ್ವಲ್ಪ ಸಮಯದ ಮೊದಲು ಕುಸಿದು ಬಿದ್ದು ಸಾವನ್ನಪ್ಪಿದ್ದಾರೆ. ನಾಗ್ಪುರ ವಿಮಾನ ನಿಲ್ದಾಣದ ಬೋರ್ಡಿಂಗ್ ಗೇಟ್ನಲ್ಲಿ ಪೈಲಟ್ ಕುಸಿದು ಬಿದ್ದಿದ್ದಾರೆ. ಕೂಡಲೇ ಅವರನ್ನು ಆಸ್ಪತ್ರೆಗೆ ಸಾಗಿಸಲಾಯಿತಾದರೂ ಅವರ ಪ್ರಾಣ ಉಳಿಸಲಾಗಲಿಲ್ಲ. ತಿರುವನಂತಪುರಂ-ಪುಣೆ-ನಾಗ್ಪುರ ಸೆಕ್ಟರ್ನಲ್ಲಿ ವಿಮಾನ ಹಾರಾಟ ನಡೆಸುತ್ತಿದ್ದ ಪೈಲಟ್ ಸಾವನ್ನಪ್ಪಿದ್ದರು. ನಿನ್ನೆ ಕತಾರ್ ಏರ್ವೇಸ್ ಪೈಲಟ್ ಕೂಡ ಇದೇ ರೀತಿ ಹೃದಯಾಘಾತದಿಂದ ಸಾವನ್ನಪ್ಪಿದ್ದರು.
ಈ ವಾರ ವಿಮಾನ ನಿಲ್ದಾಣದಲ್ಲಿ ಅಥವಾ ವಿಮಾನದಲ್ಲಿ ಸಾವನ್ನಪ್ಪಿದ ಮೂರನೇ ಪೈಲಟ್ ಇದಾಗಿದೆ. ಈ ಪೈಕಿ ಇಬ್ಬರು ಪೈಲಟ್ಗಳು ಭಾರತೀಯರು. ಕಳೆದ ಎರಡು ದಿನಗಳಲ್ಲಿ ಇಬ್ಬರು ಭಾರತೀಯ ಪೈಲಟ್ಗಳು ಸಾವನ್ನಪ್ಪಿದ್ದಾರೆ. ಬುಧವಾರ, ದೆಹಲಿಯಿಂದ ದೋಹಾಗೆ ಕತಾರ್ ಏರ್ವೇಸ್ ವಿಮಾನದಲ್ಲಿ ಭಾರತೀಯ ಪೈಲಟ್ ಬಿದ್ದು ಸಾವನ್ನಪ್ಪಿದರು. ಮೊದಲು ಅವರು ಸ್ಪೈಸ್ ಜೆಟ್ ಮತ್ತು ಅಲಯನ್ಸ್ ಏರ್ ಸಹಾರಾದಲ್ಲಿ ಕೆಲಸ ಮಾಡಿದ್ದರು.