ಉಡುಪಿ ಜಿಲ್ಲೆಯ ಬೆನ್ನು ಮೂಳೆ ಮುರಿತಕ್ಕೆ ಒಳಗಾದವರಿಗೆ ಔಷಧಿ ಕಿಟ್ ವಿತರಣೆ

ಉಡುಪಿ ಜಿಲ್ಲೆಯಲ್ಲಿರುವ 60 ಜನ ಬೆನ್ನು ಮೂಳೆ ಮುರಿತಕ್ಕೆ ಒಳಗಾದವರಿಗೆ ಔಷಧಿ ಕಿಟ್ ವಿತರಣೆ ಮಾಡುವ ಕಾರ್ಯ ಕೊಡವೂರು ದಿವ್ಯಾಂಗ ರಕ್ಷಣಾ ಸಮಿತಿ ಮತ್ತು ಸೇವಾ ಭಾರತಿ ಕನ್ಯಾಡಿಯ ವತಿಯಿಂದ ವಿತರಣೆಯನ್ನು ಇಂದು ಮಾಡಲಾಯಿತು.

ಈ ಸಂಧರ್ಬದಲ್ಲಿ ಮಾತನಾಡಿದ ಕೆ ವಿಜಯ್ ಕೊಡವೂರು ಬೆನ್ನು ಮೂಳೆ ಮುರಿತಕ್ಕೆ ಒಳಗಾದವರ ಮಕ್ಕಳಿಗೆ ಶಾಲೆಗೆ ಹೋಗಲು ಪುಸ್ತಕ, ಬ್ಯಾಗ್ ಹೀಗೆ ಶಾಲೆಯ ಶುಲ್ಕ ಕಟ್ಟಲು ಹಣವಿಲ್ಲದೆ ಮನೆಯಲ್ಲೇ ಕುಳಿತು ಕೊಳ್ಳುವ ಸ್ಥಿತಿ ಇದೆ. ಇನ್ನೂ ಇವರಿಗೆ ಮೂತ್ರ ಕೋಶದ ಕಾಯಿಲೆ, ಜೀರ್ಣಾಂಗದ ಕಾಯಿಲೆ, ಬಿಪಿ, ಶುಗರ್ ನಂತಹ ಅನೇಕ ಕಾಯಿಲೆ ಇರುತ್ತದೆ. 

ಇಂತಹ ಕಾಯಿಲೆಗೆ ಇವರಿಗೆ ತಿಂಗಳಿಗೆ ಸಾವಿರಾರು ರೂಪಾಯಿಯ  ಔಷಧ ಬೇಕಾಗುತ್ತವೆ. ಅದರ ಜೊತೆಯಲ್ಲಿ ಇವರಿಗೆ ಯೂರಿನ್ ಬ್ಯಾಗ್ ಹೀಗೆ ಹಲವು ರೀತಿಯ ಅನೇಕ ಸಾಮಗ್ರಿಗಳು ತಿಂಗಳಿಗೆ ಬೇಕಾಗುತ್ತವೆ.