ಕೇರಳ ಚಿನ್ನ ಸಾಗಣೆ ಪ್ರಕರಣ: ಇಂದು 6 ಮಂದಿಯ ಬಂಧನ

ಕೇರಳವನ್ನು ನಡುಗಿಸಿರುವ ಅಕ್ರಮ ಚಿನ್ನ ಸಾಗಣೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇಂದು 6 ಮಂದಿಯನ್ನು ಎನ್.ಐ.ಎ ಬಂಧಿಸಿದೆ. ಇಲ್ಲಿಯವರೆಗೆ ಒಟ್ಟು 10 ಮಂದಿಯನ್ನು ಬಂಧಿಸಿ ವಿಚಾರಣೆ ನಡೆಸಲಾಗುತ್ತಿದೆ. ವಿವಿಧ ಕಡೆಗಳಲ್ಲಿ ಪತ್ತೆ ಕಾರ್ಯದ ವೇಳೆ ಎರಡು ಹಾರ್ಡ್ ಡಿಸ್ಕ್, 8 ಮೊಬೈಲ್ ಫೋನ್, ವಿಡಿಯೋ ರೆಕಾರ್ಡರ್, ಹಲವಾರು ಸಿಮ್ ಕಾರ್ಡ್ ಗಳನ್ನು ವಶಪಡಿಸಿಕೊಳ್ಳಲಾಗಿದ್ದು ವಿಚಾರಣೆಯು ಮುಂದುವರಿದಿದೆ.