Janardhan Kodavoor/ Team KaravaliXpress
29 C
Udupi
Wednesday, December 2, 2020

ಕೊರೋನ ಸಂದಿಗ್ದತೆಯಲ್ಲಿ ಜನ ಬ್ರ್ಯಾಂಡ್ ಗಳನ್ನೇ ಮರೆತರೇ!?

ಅದೊಂದು ಕಾಲವಿತ್ತು ಆ ಕಾಲದಲ್ಲಿ ವಿವಿಧ ಬ್ರ್ಯಾಂಡ್ ಗಳು ಜನತೆಯನ್ನು ಉತ್ಪ್ರೇಕ್ಷಿಸುತ್ತಿದ್ದವು, ನಮ್ಮ ಆ ಕಾಲದ ಲೈಫ್ ಹೇಗಿತ್ತು ಅಂದ್ರೆ ಬೆಳಿಗ್ಗೆಯಿಂದ ಸಂಜೆಯ ವರೆಗೂ ಉಪಯೋಗಿಸುವ ಸರಿಸುಮಾರು ಎಲ್ಲಾ ವಸ್ತುಗಳೂ ಸಾಧಾರಣವಾಗಿ ಒಳ್ಳೆಯ ಬ್ರ್ಯಾಂಡ್ ನೇ ಆಯ್ಕೆ ಮಾಡಿ, ಉಪಯೋಗಿಸುತ್ತಿದ್ದೆವು. 
ಇಲ್ಲಿ ಗಮನಿಸಿ ಅಂದಿನ ಕಾಲ ಅಂದರೆ ಯಾವುದೋ ಗತಕಾಲ ಅಲ್ಲ ಸ್ವಾಮಿ, ಸರಿಯಾಗಿ ಹೇಳೋದಾದ್ರೆ ಈ ವರ್ಷದ ಮಾರ್ಚ್ ತಿಂಗಳ ದ್ವಿತೀಯಾರ್ಧದವರೆಗೆ, ಆಮೇಲೆ ನಡೆದದ್ದು, ಪ್ರಸ್ತುತ ನಡೆಯುತ್ತಿರುವುದು ನಿಮಗೆ-ನಮಗೆ ಅರಿವಿಗೆ ಬಂದಿದೆ ಏನಂತೀರಾ?! ಹೀಗೆ ಕೆಲವೇ ಕೆಲವು ಬ್ರ್ಯಾಂಡ್ ಗಳ ಬಗ್ಗೆ ಹೇಳುತ್ತೇನೆ ಮತ್ತು ಅದು ಹೇಗೆ ಈ ಕೊರೋನ ಕಾಲದಲ್ಲಿ ಜನತೆ ಬೇರೆ ವಸ್ತುಗಳನ್ನೂ ಒಪ್ಪಿಕೊಂಡರು ಎಂದು ವಿವರಿಸಲು ಬಯಸುತ್ತೇನೆ, ಕೆಲವೊಂದು ಮಾತ್ರ, ಇನ್ನೂ ಇದ್ದರೆ ಅದು ನೀವೇ ಕಲ್ಪಿಸಿಕೊಳ್ಳಿ.

ಮೊದಲಿಗೆ ಪೇಟೆ ಬಿಟ್ಟು ಹಳ್ಳಿಯ ತಮ್ಮ ಹುಟ್ಟೂರಿಗೆ ಬಂದವರ ಪಾಡು ನಾನೇ ಕಣ್ಣಾರೆ ಕಂಡಿದ್ದು, ಒಂದು ಅಂಗಡಿಗೆ ಬಂದ ಒಬ್ಬ ವ್ಯಕ್ತಿ ತನ್ನ ಮಗಳು ಕಳುಹಿಸಿದ ಚೀಟಿಯನ್ನು ದಿನಸಿ ಅಂಗಡಿಯಲ್ಲಿ ನೀಡಿದ ಆದರೆ ಒಂದು ವಿಪರ್ಯಾಸವೆಂದರೆ ಆ ಚೀಟಿಯಲ್ಲಿ ಇರೋ ಸಾಕಷ್ಟು ಪದಾ ರ್ಥಗಳು ಬೆಂಗಳೂರಿನ ಭಾಗದಲ್ಲಿ ಬಳಸೋ ಬ್ರ್ಯಾಂಡೆಂಡ್ ಪದಾರ್ಥಗಳಾದ್ದರಿಂದ ಪಾಪ ಅದಕ್ಕೆ ತಕ್ಕನಾದ ವಸ್ತುಗಳು ಇಲ್ಲ, ಅದೇ ತರದ ಬೇರೆ ವಸ್ತುಗಳಿವೆ ಎಂದರು ಅಂಗಡಿಯವರು, ಆಗ ಆ ವ್ಯಕ್ತಿ ಮಗಳಿಗೆ ಫೋನ್ ಮಾಡಿ ಮಗಾ ಈಗ ನೀ ಕೊಟ್ಟ ಚೀಟಿಲಿ ಇರೋ ಎಷ್ಟೋ ವಸ್ತುಗಳ ತರದ್ದೇ ವಸ್ತುಗಳಿವೆ ಆದರೆ ಅದೇ ಅಲ್ಲ ಎಂದಾಗ ಆ ಹುಡುಗಿ ಉತ್ತರಿಸಿದ್ದು ನೋಡಿಯೇ ಎಲ್ಲರೂ ಒಮ್ಮೆ ದಂಗಾದರು, ಥೂ ಇದೆಂತಾ ಊರು, ಏನೂ ಸಿಗೋಲ್ಲ, ಅದು ಇದು ಅಂತ, ಆಗ ಅಪ್ಪ ಉತ್ತರಿಸಿದ ರೀತಿ ‘ ಮಗಳೇ ನೀನು ಇದೇ ಪದಾರ್ಥಗಳನ್ನು ತಿಂದು ಇರೋದಾದ್ರೆ ಮನೆಲಿ ಇರು, ಇಲ್ಲವಾದರೆ ಇವತ್ತೇ ಬೆಂಗಳೂರಿಗೆ ಹೊರಡಬಹುದು, ಈ ಕಷ್ಟ ಕಾಲದಲ್ಲಿ ಇಷ್ಟು ಸಿಕ್ಕಿರೋದೇ ಪಂಚಾಮೃತ ಎಂದು ತಿಳಿ” ಎಂದರು. ಮತ್ತೆ ಅವರು ದಿನಸಿ ಖರೀದಿಸಿ ಹೊರಟರು.

ಹೀಗೆ ಜನ ಮಾಲ್ ಲೇ ತೆಗೋಬೇಕು, ಸೀಝನ್ ಫ್ರೆಶ್ ಲೇ ಕೊಳ್ಳಬೇಕು, ಡೆಟಾಲ್ ಲೇ ಹಾಕಿ ಕೈ ತೊಳೆಯಬೇಕು, ಹೀಗೆ ಅದು ಇದು ಎನ್ನೋರು ಎಂದು ಲಾಕ್ಡೌನ್ ಸಡಿಲ ಆಗುತ್ತೋ ಆಗ ಎಂದೂ ಒಮ್ಮೆಯೂ ಮುಖ ಮಾಡಿರದ ಅಂಗಡಿಯಾಗಿದ್ದರೂ ಅದಕ್ಕೆ ನುಗ್ಗಿ ಸಿಕ್ಕಿದ್ದೇ ನಮ್ಮ ಪುಣ್ಯ ಎಂಬಂತೆ ಇರೋದೆಲ್ಲಾ ಖರೀದಿಮಾಡಿ, ರಸ್ತೆ ಬದಿ ಯಾದರೂ, ಗೂಡ್ಸ್ ಗಾಡಿಯಾದರೂ ಪರವಾಗಿಲ್ಲ ಎಂದು ತರಕಾರಿ ಖರೀದಿ ಮಾಡಿ, ಸಿಕ್ಕ ಸಿಕ್ಕ ಕಡೆ ಯಾವ್ಯಾದೋ ಬ್ರ್ಯಾಂಡಿನ ಸ್ಯಾನಿಟೈಸರ್, ಸೋಪ್ ವಾಶ್ ಗೆ ಕೈ ಒಡ್ಡುತ್ತಾ ‘ಬದುಕಿದೆಯಾ ಬಡ(ಬಂಡ) ಜೀವವೇ’ ಎಂದು ಹೇಳೋ ತರದ ಬದುಕನ್ನು ಬದುಕಿ, ಡಾರ್ವಿನ್ ನ ಸಿದ್ದಾಂತದಂತೆ ‘ಉಳುವಿಗಾಗಿ ಹೋರಾಟ’ ಮಾಡಿಕೊಳ್ಳುವ ಬದುಕಿನ ಈ ಜಂಜಾಟದಲ್ಲಿ ಮಾಸ್ಕ್, ಸ್ಯಾನಿಟೈಸರ್, ಸೋಪು, ಅಗತ್ಯ ವಸ್ತುಗಳ ಖರೀದಿಯಲ್ಲಿ ಜನತೆ ಬ್ರ್ಯಾಂಡ್ ಮರೆತು, ಸಿಕ್ಕರೇ ಸಾಕು ಎಂಬೋ ಮನೋಭಾವದಿಂದ ಜೀವನ ಸಾಗಿಸುವಂತಾಗಿದೆ.

ಹೀಗೆ ಅಳಿವು-ಉಳಿವಿನ ನಡುವೆ ಬದುಕೋದೇ ಜೀವನ..

- Advertisement -

ಸಂಬಂಧಿತ ಸುದ್ದಿ

Leave a Reply

ಛಾಯಾಂಕಣ

ಇತ್ತೀಚಿನ ಸುದ್ದಿ

ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಶೀಘ್ರವೇ ನಾಮಕರಣ ಎಂದ ನಳಿನ್

ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಹೆಸರಿಗೆ ಸಂಬಂಧಿಸಿದಂತೆ ದಕ್ಷಿಣ ಕನ್ನಡ ಜಿಲ್ಲೆಯ ಉಸ್ತುವಾರಿ ಸಚಿವರು, ಶಾಸಕರು ಮತ್ತು ಕನ್ಯಾಡಿ ಶ್ರೀಗಳೊಂದಿಗೆ ಚರ್ಚಿಸಿ "ಕೋಟಿ ಚೆನ್ನಯರ" ಹೆಸರಿಡಲು ನಿಯಮಾವಳಿಗಳ ಅಡಿಯಲ್ಲಿ ಸೂಕ್ತ ಕ್ರಮವನ್ನು ಜರುಗಿಸಲಾಗುವುದು...

ಹತಾಶ ಮಾಜಿ ಮುಖ್ಯಮಂತ್ರಿಗ​ಳಿಂದ ಮುಂದುವರಿದ ಅಪ್ರಬುದ್ಧ ಹೇಳಿಕೆಗಳು​~ ಕ್ಯಾಪ್ಟನ್ ಗಣೇಶ್ ಕಾರ್ಣಿಕ್​. 

ಬೆಂಗಳೂರು: ಲವ್ ಜಿಹಾದ್ ವಿರುದ್ಧ ಕಾನೂನು ತರುವ ಸರಕಾರದ ಪ್ರಯತ್ನದ ವಿರುದ್ಧ ಮಾನ್ಯ​ ಮಾಜಿ ಮುಖ್ಯಮಂತ್ರಿಗಳ ಹೇಳಿಕೆ ಸಂವಿಧಾನ ವಿರೋಧಿ ಮ​ತ್ತು ಪ್ರಜಾಪ್ರಭುತ್ವ ವಿರೋಧಿ ಎಮಾಧ್ಯಮ ವಕ್ತಾರರು ಮತ್ತು ವಿಧಾನಪರಿಷತ್ ಮಾಜಿ ಸದಸ್ಯರೂ ಆದ ಕ್ಯಾಪ್ಟನ್...

ಬಾಲಕಿಯರ ಸರಕಾರಿ ಪ ಪೂ ಕಾಲೇಜಿನ ಎರಡು ಅಂತಸ್ತಿನ ನೂತನ ಕಟ್ಟಡವನ್ನು ಉದ್ಘಾಟನೆ 

ನಬಾರ್ಡ್ ಸಹಯೋಗದ ಅರ್ ಐ ಡಿ ಎಪ್ ಯೋಜನೆಯಡಿಯಲ್ಲಿ ರೂಪೈ ಒಂದು ಕೋಟಿ ಎಂಟು ಲಕ್ಷ ಅಂದಾಜು ವೆಚ್ಚದಲ್ಲಿ ನಿರ್ಮಾಣಗೊಂಡಿರುವ ಉಡುಪಿ ಬಾಲಕಿಯರ ಸರಕಾರಿ ಪ ಪೂ ಕಾಲೇಜಿನ ಎರಡು ಅಂತಸ್ತಿನ ನೂತನ...

ಸುಗಮ ಚುನಾವಣೆಗೆ ಆಯೋಗದ ಮಾರ್ಗಸೂಚಿಗಳನ್ನು ಪಾಲಿಸಿ: ಡಿಸಿ ಜಿ.ಜಗದೀಶ್

ಉಡುಪಿ:  ಜಿಲ್ಲೆಯಲ್ಲಿ ಡಿಸೆಂಬರ್ 22 ಮತ್ತು 27 ರಂದು ನಡೆಯುವ ಎರಡು ಹಂತದ ಗ್ರಾಮ ಪಂಚಾಯತ್ ಸಾರ್ವತ್ರಿಕ ಚುನಾವಣೆಯು, ಸುಗಮವಾಗಿ ಮತ್ತು ಯಾವುದೇ ಲೋಪಗಳಿಲ್ಲದೇ ನಡೆಸಲು ಚುನಾವಣಾ ಆಯೋಗ ಸೂಚಿಸಿರುವ ಮಾರ್ಗಸೂಚಿಯಂತೆ ಕಾರ್ಯ...

ಬೋಟ್ ದುರಂತ: ಕಣ್ಮರೆಯಾಗಿದ್ದ ಎಲ್ಲಾ ಮೀನುಗಾರರ ಮೃತದೇಹ ಪತ್ತೆ

ಮಂಗಳೂರಿನಲ್ಲಿ ಮಂಗಳೂರಿನಲ್ಲಿ ನಡೆದ ಮತ್ತೊಂದು ದೋಣಿ ದುರಂತದಲ್ಲಿ ಮುಳುಗಿದ್ದವರಿಗಾಗಿ ಸತತ ಶೋಧ ಕಾರ್ಯದ ಬಳಿಕ ದುರಂತದಲ್ಲಿ ಮಡಿದ ಎಲ್ಲಾ ಆರು ಮಂದಿ ಮೀನುಗಾರರ ಮೃತದೇಹವನ್ನು ಮುಳುಗುತಜ್ಞರು ಪತ್ತೆ ಹಚ್ಚಿದ್ದು, ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗಾಗಿ...
error: Content is protected !!