ಕೋಲ್ಕತ್ತ: ಪಶ್ಚಿಮ ಬಂಗಾಳದಲ್ಲಿ ದುರ್ಗಾ ಪೂಜೆ ದೊಡ್ಡ ಹಬ್ಬ. ಆದರೆ ಈ ಬಾರಿ ಕೊವಿಡ್-19 ಇರುವುದರಿಂದ ಅದ್ದೂರಿ ಆಚರ ಣೆಗೆ ಕಡಿವಾಣ ಬೀಳುವ ಎಲ್ಲ ಸಾಧ್ಯತೆಗಳೂ ಇವೆ. ಹೀಗಿರುವಾಗ ಕೋಲ್ಕತ್ತದ ದುರ್ಗಾ ಪೂಜಾ ಕ್ಲಬ್ ದುರ್ಗಾ ದೇವಿಯ ದೊಡ್ಡ ಮೂರ್ತಿಯನ್ನು ಅನಾವರಣಗೊಳಿಸಿದೆ. ಇದೊಂದು ವಿಭಿನ್ನ ಪ್ರತಿಮೆಯಾಗಿದ್ದು, ಎಲ್ಲರ ಗಮನ ಸೆಳೆಯುತ್ತಿದೆ.
ಕೊವಿಡ್-19 ಬಗ್ಗೆ ಅರಿವು ಮೂಡಿಸುವ ಸಲುವಾಗಿ ದುರ್ಗಾ ಮಾತಾ ಮೂರ್ತಿಗೆ ಬೆಳ್ಳಿಯ ಮಾಸ್ಕ್ ತೊಡಿಸಲಾಗಿದ್ದು. ಹಾಗೇ ದೇವಿಯ 10 ಕೈಯಿಗಳಲ್ಲೂ ಸ್ಯಾನಿಟೈಸರ್ ಬಾಟಲಿಯನ್ನೂ ಇಡಲಾಗಿದೆ. ಪ್ರಸ್ತುತ ಪಶ್ಚಿಮ ಬಂಗಾಳದಲ್ಲಿ 27,299 ಸಕ್ರಿಯ ಕರೊನಾ ಪ್ರಕರಣ ಗಳು ಇವೆ. ಇದೇ ಕಾರಣಕ್ಕೆ ಅಲ್ಲಿ ದುರ್ಗಾ ಪೂಜೆ ಆಚರಣೆಗಳೂ ವಿಳಂಬವಾಗುತ್ತಿದೆ. ಇದೆಲ್ಲದರ ಮಧ್ಯೆ ಈ ದುರ್ಗಾ ದೇವಿ ಎಲ್ಲರ ಗಮನ ಸೆಳೆಯುತ್ತಿದ್ದಾಳೆ.