Janardhan Kodavoor/ Team KaravaliXpress
26.6 C
Udupi
Saturday, November 26, 2022
Sathyanatha Stores Brahmavara

ರಕ್ಷಣಾ ಸಚಿವಾಲಯ 2,290 ಕೋಟಿ ರೂ. ಮೌಲ್ಯದ ಶಸ್ತ್ರಾಸ್ತ್ರ ಸಂಗ್ರಹಣೆಗೆ ಅನುಮೋದನೆ   

ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರ ಅಧ್ಯಕ್ಷತೆಯಲ್ಲಿ ರಕ್ಷಣಾ ಸಚಿವಾಲಯದ ಅತ್ಯುನ್ನತ ನಿರ್ಧಾರ ತೆಗೆದುಕೊಳ್ಳುವ ಸಂಸ್ಥೆಯಾದ ರಕ್ಷಣಾ ಸ್ವಾಧೀನ ಮಂಡಳಿ ಈ ಖರೀದಿ ಪ್ರಸ್ತಾವನೆಗೆ ಅನುಮೋದನೆ ಕೊಟ್ಟಿದೆ.​ ​ರಕ್ಷಣಾ ಸ್ವಾಧೀನ ಮಂಡಳಿ ಸಭೆಯು ಭಾರತೀಯ ಸಶಸ್ತ್ರ ಪಡೆಗಳಿಗೆ ಬೇಕಾಗಿರುವ ವಿವಿಧ ಉಪಕರಣಗಳ ಸುಮಾರು 2,290 ಕೋಟಿ ರೂ. ವೆಚ್ಚದ ಅನುಮೋದನೆ ನೀಡಿದೆ ಎಂದು ರಕ್ಷಣಾ ಸಚಿವಾಲಯ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.​ 

ಸ್ವದೇಶಿ ವಿನ್ಯಾಸ, ಅಭಿವೃದ್ಧಿ ಮತ್ತು ಉತ್ಪಾದನೆ (ಐಡಿಡಿಎಂ) ವಿಭಾಗದಲ್ಲಿ ಡಿಎಸಿ ಸುಮಾರು 1,510 ಕೋಟಿ ರೂ. ವೆಚ್ಚದಲ್ಲಿ ಸ್ಟ್ಯಾಟಿಕ್​ ಹೆಚ್‌ ಎಫ್ ಟ್ಯಾನ್ಸ್-ರಿಸೀವರ್ ಸೆಟ್‌ ಮತ್ತು ಸ್ಮಾರ್ಟ್ ಆಂಟಿ ಏರ್‌ಫೀಲ್ಡ್ ವೆಪನ್ (ಎಸ್‌ಎಎ ಡಬ್ಲ್ಯೂ) ಖರೀದಿಗೆ ಅನುಮೋದನೆ ನೀಡಲಾಗಿದೆ. ಹೆಚ್‌ಎಫ್ ರೇಡಿಯೊ ಸೆಟ್‌ಗಳನ್ನು ಅಂದಾಜು 540 ಕೋಟಿ ರೂ. ವೆಚ್ಚದಲ್ಲಿ ಖರೀದಿಸಲಾಗುತ್ತದೆ.

ಸ್ಮಾರ್ಟ್ ಆಂಟಿ ಏರ್​​ಫೀಲ್ಡ್ ವೆಪನ್ ಸುಮಾರು 970 ಕೋಟಿ ರೂ. ವೆಚ್ಚ ವಾಗಲಿದ್ದು, ಇದು ನೌಕಾಪಡೆ ಮತ್ತು ವಾಯುಪಡೆಯ ಅಗ್ನಿಶಾಮಕ ದಳದ ಶಕ್ತಿ ಇಮ್ಮಡಿಗೊಳಿಸುತ್ತದೆ. ಗಡಿಯಲ್ಲಿ ಸೈನ್ಯದ ಮುಂಚೂಣಿ ಪಡೆಗಳನ್ನು ಸಜ್ಜುಗೊಳಿಸಲು, ಡಿಎಸಿ ಸುಮಾರು 780 ಕೋಟಿ ರೂ. ವೆಚ್ಚದಲ್ಲಿ ಸಿಗ್ ಸೌರ್ ಅಸಾಲ್ಟ್​ ರೈಫಲ್​ಗಳನ್ನು ಖರೀದಿಸಲು ಅನುಮೋದನೆ ನೀಡಿದೆ. ಇನ್ನು ಈ ಹೊಸ ಪ್ರಸ್ತಾವನೆ ಭೂ ಸೇನೆಯ ಆಧುನೀಕರಣದ ಭಾಗವಾಗಿ 2019ರ ಆರಂಭದಲ್ಲಿ ಅಮೆರಿಕ ಜತೆಗೆ 72,400 ರೈಫಲ್‌ಗಳ ಆರ್ಡರ್ ಗಳನ್ನು ಒಳಗೊಂಡಿದೆ.

- Advertisement -

ಸಂಬಂಧಿತ ಸುದ್ದಿ

Leave a Reply

ಛಾಯಾಂಕಣ

ಇತ್ತೀಚಿನ ಸುದ್ದಿ

error: Content is protected !!