ಚೆನ್ನೈ: ನೆನ್ನೆಯಷ್ಟೆ ಕಾಂಗ್ರೆಸ್ ತೊರೆದು ಬಿಜೆಪಿ ಸೇರಿದ ನಟಿ ಖುಷ್ಬೂ ಸುಂದರ್ , ಕಾಂಗ್ರೆಸ್ ವಿರುದ್ಧ ವಾಗ್ದಾಳಿ ಮಾಡಿದ್ದಾರೆ. ಕಾಂಗ್ರೆಸ್ ಪಕ್ಷಕ್ಕೆ ಬುದ್ಧಿವಂತರು ಬೇಡ, ಅಲ್ಲಿ ಸತ್ಯವನ್ನು ಹೇಳುವ ಹಕ್ಕಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಚೆನ್ನೈನಲ್ಲಿ ಮಾತನಾಡಿದ ಖುಷ್ಬೂ, ಕಾಂಗ್ರೆಸ್ ಒಂದು ಬುದ್ಧಿ ಮಾಂದ್ಯರ ಪಕ್ಷ , ನಾನು ಬುದ್ಧಿಗೇಡಿಗಳ ಪಕ್ಷದಿಂದ ಹೊರ ಬಂದಿದ್ದೇನೆ ಅಂತಾ ಹೇಳಿದ್ದಾರೆ. ಇನ್ನು ದ್ರಾವಿಡ ಚಳುವಳಿ ಪಿತಾಮಹ ಪೆರಿಯಾರ್ ಇವಿ ರಾಮಸ್ವಾಮಿ ಮಹಿಳಾ ದೌರ್ಜನ್ಯ ವಿರೋಧಿಸಿದ್ದವರು. ನಾನು ಅವರ ಅನುಯಾಯಿ, ಆದರೆ ಕಾಂಗ್ರೆಸ್ ಪಕ್ಷ ಸತ್ಯವನ್ನು ಮಾತನಾಡುವ ಹಕ್ಕನ್ನು ನೀಡಲಿಲ್ಲ ಎಂದು ಆರೋಪಿಸಿದ್ದಾರೆ.
ತಮಿಳುನಾಡಿನಲ್ಲಿ ಕಾಂಗ್ರೆಸ್ಸಿನ ಬಲಿಷ್ಠರಾಗಿದ್ದ ಖುಷ್ಭೂ ಪಕ್ಷವನ್ನು ತೊರೆದ ಕಾರಣ ತಿಳಿಸಿದ್ದಾರೆ. ಕಾಂಗ್ರೆಸಿನ ಹಲವು ನಾಯಕರು ಇತರರನ್ನು ತುಳಿಯುತ್ತಿದ್ದು ಹಾಗೂ ಸರ್ವಾಧಿಕಾರಿಗಳ ವರ್ತನೆ ತೋರುತ್ತಿದ್ದಾರೆ ಎಂದು ಕಿಡಿಕಾರಿದ್ದಾರೆ. ನಾನು ಕಾಂಗ್ರೆಸ್ ಗಾಗಿ ನಿಷ್ಠಳಾಗಿದ್ದೆ. ಆದರೆ, ಕಾಂಗ್ರೆಸ್ ನನಗೆ ಸರಿಯಾಗಿ ಗೌರವಿಸಲಿಲ್ಲ ಎಂದಿದ್ದಾರೆ.
By 
ForthFocus™