ಬೆಂಗಳೂರಿನಿಂದ ದೆಹಲಿಗೆ ಹೊರಟಿದ್ದ ಗೋಫಸ್ಟ್ ಸಂಸ್ಥೆಯ ವಿಮಾನ 54 ಪ್ರಯಾಣಿಕರನ್ನ ಬಿಟ್ಟು ಟೇಕ್ ಆಫ್ ಆಗಿದೆ. ಇದರಿಂದ ಬೇಸರಗೊಂಡ ಪ್ರಯಾಣಿಕರು ಸೋಷಿಯಲ್ ಮೀಡಿಯಾದಲ್ಲಿ ವಿಮಾನ ಸಂಸ್ಥೆಯು ನಿರ್ಲಕ್ಷ್ಯ ವಹಿಸಿದೆ ಎಂದು ಆರೋಪಿಸಿದ್ದಾರೆ.
ಬೆಂಗಳೂರಿನಿಂದ ದೆಹಲಿಗೆ ತೆರಳುತ್ತಿದ್ದ G8-116 ಎಂಬ ಗೋಫಸ್ಟ್ ಕಂಪನಿಯ ವಿಮಾನದಲ್ಲಿ ಮೊದಲ ಬಾರಿಗೆ ಬಸ್ನಲ್ಲಿ ಬಂದ 50 ಪ್ರಯಾಣಿಕರು ಕುಳಿತ್ತಿದ್ದರು. ಬಳಿಕ ಬಸ್ನಲ್ಲಿ 2ನೇ ಟ್ರಿಪ್ನಲ್ಲಿ ಬರುತ್ತಿದ್ದ 54 ಪ್ರಯಾಣಿಕರು ಬರುವ ಮೊದಲೇ ವಿಮಾನ ಟೇಕ್ ಆಫ್ ಆಗಿದೆ.
ಹೀಗಾಗಿ ಪ್ರಯಾಣಿಕರು ಏರ್ಲೈನ್ಸ್ ಅಧಿಕಾರಿಗಳ ನಿರ್ಲಕ್ಷ್ಯ ಮಾಡಿದ್ದಾರೆ ಎಂದು ದೇವನಹಳ್ಳಿ ಏರ್ಪೋರ್ಟ್ನಲ್ಲೇ ಆಕ್ರೋಶ ಹೊರ ಹಾಕಿದ್ದಾರೆ. ಈ ಬಗ್ಗೆ ಟ್ವಿಟರ್ನಲ್ಲಿ ಗೋಫಸ್ಟ್ ಹಾಗೂ ಡಿಜಿಸಿಎಗೆ ಪ್ರಯಾಣಿಕರು ಟ್ವಿಟ್ ಟ್ಯಾಗ್ ಮಾಡಿದ್ದರು. ಈ ಟ್ವಿಟ್ಗೆ ಸ್ಪಂದಿಸಿದ ಗೋಫಸ್ಟ್ ಸಂಸ್ಥೆ, ಪ್ರಯಾಣಿಕರ ಡೀಟೈಲ್ಸ್ ಪಡೆದುಕೊಂಡು ಕ್ಷಮೆ ಕೇಳಿದೆ.