ಉಡುಪಿ:ಉಡುಪಿಯ ಕೊಡವೂರಿನ ಮೂಡುಬೆಟ್ಟು ನಿವಾಸಿ, ಫಾಸ್ಟ್ ಫುಡ್ ರೆಸ್ಟೋರೆಂಟ್ ಮಾಲೀಕ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ವರದಿಯಾಗಿದೆ.ಮೃತಪಟ್ಟವರನ್ನು ಮಾಂತಪ್ಪ ರಾಮಣ್ಣ ಗೋಡಿ (30) ಎಂದು ಗುರುತಿಸಲಾಗಿದೆ. ತಮ್ಮ ಹಿರಿಯ ಸಹೋದರನಿಗೆ ಸೇರಿದ ಮನೆಯಲ್ಲಿ ವಾಸಿಸುತ್ತಿದ್ದ, ಅವರು ಕಳೆದ ಒಂದು ವರ್ಷದಿಂದ ಉಡುಪಿಯಲ್ಲಿ ಫಾಸ್ಟ್ ಫುಡ್ ರೆಸ್ಟೋರೆಂಟ್ ನಡೆಸುತ್ತಿದ್ದರು.
ಏಪ್ರಿಲ್ 6 ರಂದು ಬೆಳಿಗ್ಗೆ 8.30 ಕ್ಕೆ ತಮ್ಮ ಕಿರಿಯ ಸಹೋದರನನ್ನು ಬೈಕ್‌ನಲ್ಲಿ ಉಡುಪಿ ಬಸ್ ನಿಲ್ದಾಣಕ್ಕೆ ಇಳಿಸಿದ್ದರು. ಮಾಂತಪ್ಪ ನಂತರ ಮನೆಗೆ ಮರಳಿಲ್ಲ ಎಂದು ಮಾಂತಪ್ಪ ರಾಮಣ್ಣ ಗೋಡಿಯ ತಾಯಿ ಹೇಳಿದ್ದಾರೆ. ಇನ್ನು ಮಾಂತಪ್ಪ ರಮಣ್ಣ ಗೋಡಿ ಅವರು ಏಪ್ರಿಲ್ 8 ರಂದು ಮಲ್ಪೆ ಪಡುಕೆರೆ ಬೀಚ್ ಬಳಿ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ ಎಂಬ ಮಾಹಿತಿ ಸಿಕ್ಕಿದೆ.
ಈ ಸಂಬಂಧ ಮಲ್ಪೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.
By 
ForthFocus™