ದೆಹಲಿಯಲ್ಲಿ ಮುಸ್ಲಿಂ ಸಮುದಾಯದ ಯುವಕನ ಕುಕೃತ್ಯಕ್ಕೆ ಬಲಿಯಾದ ಹಿಂದೂ ಯುವತಿ ಶ್ರದ್ಧಾ ವಾಕರ್ ಕೊಲೆ ಪ್ರಕರಣದ ತನಿಖೆಯನ್ನು ನಡೆಸುತ್ತಿರುವ ದೆಹಲಿ ಪೊಲೀಸರಿಗೆ ಒಂದೊಂದೇ ಆಘಾತಕಾರಿ ವಿಚಾರಗಳು ಆರೋಪಿಯ ತನಿಖೆಯ ಸಂದರ್ಭದಲ್ಲಿ ತಿಳಿದು ಬರ್ತಿಇದೆ. ಅಫ್ತಾಬ್ ಅಮಿನ್ ಪೂನಾವಾಲಾ ಶ್ರದ್ಧಾಳನ್ನು ಕೊಲೆ ಮಾಡಲೆಂದು ಕೇವಲ ರೆಫ್ರಿಜರೇಟರ್ ಖರೀದಿ ಮಾಡಿದ್ದು ಮಾತ್ರವಲ್ಲ. ಈತ ದೆಹಲಿಯ ಛತ್ತರಪುರದಲ್ಲಿ ಫ್ಲಾಟ್ನ್ನು ಇದೇ ಕಾರಣಕ್ಕೆ ಬಾಡಿಗೆ ಪಡೆದಿದ್ದ ಎನ್ನಲಾಗಿದೆ. ಅಫ್ತಾಬ್ ಶ್ರದ್ಧಾಳನ್ನು ಉಸಿರುಗಟ್ಟಿಸಿ ಕೊಲೆ ಮಾಡಿ ಬಳಿಕ ಆಕೆಯ ದೇಹವನ್ನು 35 ತುಂಡುಗಳಾಗಿ ಕತ್ತರಿಸಿದ್ದ ಈತ ಬಳಿಕ ಅದನ್ನು ದೆಹಲಿಯ ವಿವಿಧ ಅರಣ್ಯ ಭಾಗದಲ್ಲಿ ವಿಲೇವಾರಿ ಮಾಡಿದ್ದ.
ರಾಷ್ಟ್ರ ರಾಜಧಾನಿಯ ಕಾಲ್ ಸೆಂಟರ್ನಲ್ಲಿ ಕೆಲಸ ಮಾಡುತ್ತಿದ್ದ ಅಫ್ತಾಬ್ ಫುಡ್ ಬ್ಲಾಗರ್ ಎಂದು ಪೊಲೀಸರು ಬಹಿರಂಗಪಡಿಸಿದ್ದಾರೆ. ಲಿವ್ ಇನ್ ರಿಲೇಷನ್ಶಿಪ್ನಲ್ಲಿದ್ದ ಇವರಿಬ್ಬರ ನಡುವೆ ಮದುವೆ ವಿಚಾರಕ್ಕೆ ಪದೇ ಪದೇ ಜಗಳವಾಗುತ್ತಿತ್ತು , ಆರೋಪಿ ಅಫ್ತಾಬ್ ಹಾಗೂ ಕೊಲೆಯಾದ ಶ್ರದ್ಧಾ ಡೇಟಿಂಗ್ ಸೈಟ್ ಒಂದರಲ್ಲಿ ಪರಸ್ಪರ ಭೇಟಿಯಾಗಿದ್ದರು. 2019ರಿಂದ ರಿಲೇಶನ್ಶಿಪ್ನಲ್ಲಿದ್ದ ಇವರಿಬ್ಬರು ಇದೇ ವರ್ಷ ದೆಹಲಿಗೆ ಶಿಫ್ಟ್ ಆಗಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ಅದಕ್ಕೂ ಮುನ್ನ ಇವರಿಬ್ಬರು ಮಹಾರಾಷ್ಟ್ರದಲ್ಲಿ ವಾಸವಿದ್ದರು.
ಮಾರ್ಚ್ -ಏಪ್ರಿಲ್ ತಿಂಗಳಲ್ಲಿ ಇವರಿಬ್ಬರು ಪರ್ವತ ಪ್ರದೇಶಗಳಿಗೆ ಪ್ರವಾಸ ಕೈಗೊಂಡಿದ್ದರು. ಮೇ ತಿಂಗಳಲ್ಲಿ ಇವರಿಬ್ಬರು ಹಿಮಾಚಲ ಪ್ರದೇಶಕ್ಕೆ ತೆರಳಿದ್ದರು ಆಗ ದೆಹಲಿಯ ಛತಾರ್ಪುರ ನಿವಾಸಿ ವ್ಯಕ್ತಿಯೊಬ್ಬರನ್ನು ಪರಿಚಯ ಮಾಡಿಕೊಂಡ ಇವರಿಬ್ಬರು ಬಳಿಕ ಅದೇ ವ್ಯಕ್ತಿಯ ಫ್ಲಾಟ್ನಲ್ಲಿ ವಾಸವಾಗಿದ್ದರು ಎನ್ನಲಾಗಿದೆ.
ಇದಾದ ಬಳಿಕ ಅಫ್ತಾಬ್ ಛತಾರ್ಪುರದಲ್ಲಿ ಬೇರೊಂದು ಫ್ಲಾಟ್ಗೆ ಶ್ರದ್ಧಾಳ ಜೊತೆಯಲ್ಲಿಯೇ ಶಿಫ್ಟ್ ಆಗಿದ್ದ. ಇದೇ ಫ್ಲಾಟ್ನಲ್ಲಿ ಮೇ 18ರಂದು ಶ್ರದ್ಧಾಳ ಕೊಲೆಯಾಗಿತ್ತು. ಪೊಲೀಸರಿಗೆ ತಿಳಿದಿರುವ ಮಾಹಿತಿಯ ಪ್ರಕಾರ ಶ್ರದ್ಧಾಳನ್ನು ಕೊಲೆ ಮಾಡುವ ಕೆಲವೇ ದಿನಗಳ ಮುನ್ನ ಅಫ್ತಾಬ್ ಈ ಫ್ಲಾಟ್ ಶಿಫ್ಟ್ ಆಗಿದ್ದನಂತೆ. ಹೀಗಾಗಿ ಶ್ರದ್ಧಾಳನ್ನು ಕೊಲೆ ಮಾಡಲು ಅಫ್ತಾಬ್ ಮೊದಲೇ ಪ್ಲಾನ್ ಮಾಡಿಕೊಂಡಿದ್ದನಾ ಎಂಬ ಬಗ್ಗೆ ಪೊಲೀಸರು ಇದೀಗ ತನಿಖೆ ನಡೆಸುತ್ತಿದ್ದಾರೆ.
ಅಫ್ತಾಬ್ನ ಸೋಶಿಯಲ್ ಮೀಡಿಯಾದ ಖಾತೆಗಳನ್ನು ನೋಡಿದಾಗ ಈತ ಒಬ್ಬ ಫುಡ್ ಬ್ಲಾಗರ್ ಎಂದು ಹೇಳಬಹುದಾಗಿದೆ. ಆದರೆ ಈತ ಕಳೆದ ಕೆಲವು ತಿಂಗಳಿನಿಂದ ಯಾವುದೇ ವಿಡಿಯೋಗಳನ್ನು ಪೋಸ್ಟ್ ಮಾಡಿರಲಿಲ್ಲ. ಫೆಬ್ರವರಿಯಲ್ಲಿ ಈತ ಕೊನೆಯ ಬಾರಿಗೆ ವಿಡಿಯೋ ಪೋಸ್ಟ್ ಮಾಡಿದ್ದ. ಇದಾದ ಬಳಿಕ ಈತ ಸೋಶಿಯಲ್ ಮೀಡಿಯಾದಲ್ಲಿ ಆ್ಯಕ್ಟಿವ್ ಇರಲಿಲ್ಲ. ಈತನಿಗೆ ಇನ್ಸ್ಟಾಗ್ರಾಂನಲ್ಲಿ 28 ಸಾವಿರಕ್ಕೂ ಅಧಿಕ ಫಾಲೋವರ್ಸ್ ಇದ್ದರು ಎನ್ನಲಾಗಿದೆ. ಶ್ರದ್ಧಾ ಹಾಗೂ ಅಫ್ತಾಬ್ ಒಂದೇ ಕಾಲ್ ಸೆಂಟರ್ನಲ್ಲಿ ಕೆಲಸ ಮಾಡುತ್ತಿದ್ದರು ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
ಕೊಲೆ ಮಾಡಿ ಶ್ರದ್ಧಾಳ ದೇಹವನ್ನು ಚೂರು ಚೂರು ಮಾಡಿದ ಬಳಿಕ ಪ್ರತಿದಿನ ಸಂಜೆ ಆರರಿಂದ ಏಳು ಗಂಟೆ ಸುಮಾರಿಗೆ ಅಫ್ತಾಬ್ ಫ್ಲಾಟ್ಗೆ ಬರುತ್ತಿದ್ದ. ಫ್ರಿಡ್ಜ್ನಲ್ಲಿಟ್ಟಿದ್ದ ಶ್ರದ್ಧಾಳ ದೇಹದ ತುಂಡುಗಳನ್ನು ಕಪ್ಪು ಬಣ್ಣದ ಕವರ್ನಲ್ಲಿ ಹಾಕಿ ಮಧ್ಯರಾತ್ರಿ ಕಾಡಿಗೆ ತೆಗೆದುಕೊಂಡು ಹೋಗ್ತಿದ್ದ. ಹಾಗೂ ಕಪ್ಪು ಬಣ್ಣದ ಪ್ಲಾಸ್ಟಿಕ್ ಕವರ್ನಿಂದ ಆ ಮಾಂಸದ ಮುದ್ದೆಯನ್ನು ಹೊರ ತೆಗೆದು ಕಾಡಿನಲ್ಲಿ ಎಸೆಯುತ್ತಿದ್ದ ಎನ್ನಲಾಗಿದೆ. ಇದರಿಂದ ಪೊಲೀಸರಿಗೆ ಯಾವುದೇ ಅನುಮಾನ ಬರೋದಿಲ್ಲ ಅನ್ನೋದು ಅಫ್ತಾಬ್ ಪ್ಲಾನ್ ಆಗಿತ್ತು.
ಶ್ರದ್ಧಾಳನ್ನು ಕೊಲೆ ಮಾಡಿದ ಬಳಿಕ ಆಕೆಯ ಶವವನ್ನು ಸ್ನಾನಗೃಹದಲ್ಲಿ ಇರಿಸಿದ್ದ ಅಫ್ತಾಬ್ ಕೂಡಲೇ ಅಂಗಡಿಗೆ ಹೋಗಿ ರೆಫ್ರಿಜರೇಟರ್ ಖರೀದಿ ಮಾಡಿದ್ದ. ಬಳಿಕ ಬಾತ್ರೂಮಿನಲ್ಲಿಯೇ ಶವವನ್ನು ಕತ್ತರಿಸಿ ಫ್ರಿಡ್ಜ್ಗೆ ಹಾಕಿದ್ದ ಎನ್ನಲಾಗಿದೆ. ರೆಫ್ರಿಜರೇಟರ್ ಇದ್ದ ರೂಮಿನಲ್ಲಿಯೇ ಮಲಗುತ್ತಿದ್ದ ಅಫ್ತಾಬ್ ತಾನು ಪ್ರತಿನಿತ್ಯ ಶ್ರದ್ಧಾಳ ಮುಖದ ತುಂಡನ್ನು ನೋಡುತ್ತಿದ್ದೆ ಎಂದು ಪೊಲೀಸರ ಬಳಿ ಬಾಯ್ಬಿಟ್ಟಿದ್ದಾನಂತೆ.
By 
ForthFocus™