ಉಡುಪಿ: ನಿಷೇಧಿತ ಮಾದಕ ವಸ್ತುಗಳಾದ ಉಡುಪಿಯಲ್ಲಿ ನಿಷೇಧಿತ ಬ್ರೌನ್ ಶುಗರ್ ಪತ್ತೆ ಯಾಗಿದೆ. ಬ್ರಹ್ಮಾವರದ ಮಹಮ್ಮದ್ ಫಜಲ್ ಬಂಧಿತ ಆರೋಪಿ. ಆತ ಉಡುಪಿಯ ಫರ್ಹಾನ್ ಮತ್ತು ಸಫಾ ಜೊತೆ ಸೇರಿ ಡ್ರಗ್ಸ್ ಮಾರಾಟಕ್ಕೆ ಸಂಚು ರೂಪಿಸಿದ್ದ. ಮಣಿಪಾಲದ ಆರ್.ಟಿ.ಒ. ಕಚೇರಿ ಬಳಿಯ ಎಂಡ್ ಪಾಯಿಂಟ್ ಸಮೀಪ ಫರ್ಹಾನ್ ಹಾಗೂ ಸಫಾಗಾಗಿ ಕಾಯುತ್ತಿದ್ದ. ಖಚಿತ ಮಾಹಿತಿಯ ಮೇರೆಗೆ ದಾಳಿ ನಡೆಸಿದ ಮಣಿಪಾಲ ಪೊಲೀಸರು, ಆತನನ್ನು ಬಂಧಿಸಿದ್ದಾರೆ.
ಆತನ ಬಳಿ 54 ನಿಷೇಧಿತ ಎಂಡಿಎಂಎ ಮಾತ್ರೆಗಳು, 30 ಗ್ರಾಂ ಬ್ರೌನ್ ಶುಗರ್ ಪತ್ತೆಯಾಗಿದೆ. ವಶಕ್ಕೆ ಪಡೆದ ಮಾದಕ ವಸ್ತುಗಳ ಅಂದಾಜು ಮೌಲ್ಯ 4,62,000-00 ರೂ.ಗಳಾಗಿವೆ.ಬಂಧಿತ ಆರೋಪಿ ನಿಷೇಧಿತ ಮಾದಕ ವಸ್ತುಗಳಾದ ಎಂಡಿಎಂಎ ಮಾತ್ರೆ ಹಾಗೂ ಬ್ರೌನ್ ಶುಗರ್ ಅನ್ನು ಆನ್‍ಲೈನ್ ಮೂಲಕ ತರಿಸುತ್ತಿದ್ದ. ಅವುಗಳನ್ನು ಮಣಿಪಾಲದ ವಿದ್ಯಾರ್ಥಿಗಳಿಗೆ ಮಾರಾಟ ಮಾಡುತ್ತಿದ್ದ.
ದಾಳಿಯನ್ನು ಉಡುಪಿ ಪೊಲೀಸ್ ಅಧೀಕ್ಷಕ ವಿಷ್ಣುವರ್ಧನ ಐಪಿಎಸ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಶ್ರೀಕುಮಾರ ಚಂದ್ರ. ಕೆ ಹಾಗೂ ಉಡುಪಿ ಪೊಲೀಸ್ ಉಪಾಧೀಕ್ಷಕ ಜೈ ಶಂಕರ್ ಅವರ ಮಾರ್ಗ ದರ್ಶನದಲ್ಲಿ ಸಹಾಯಕ ಪೊಲೀಸ್ ಅಧೀಕ್ಷಕ ಕುಂದಾಪುರ ವಿಭಾಗದ ಹರಿರಾಮ ಶಂಕರ್ ಐಪಿಎಸ್ ಇವರ ನೇತೃತ್ವದಲ್ಲಿ ಸಹಾಯ ಕಂಟ್ರೋಲರ್ ನಾಗರಾಜ್, ಮಣಿಪಾಲ ಪೊಲೀಸ್ ಠಾಣೆಯ ಪೊಲೀಸ್ ನಿರೀಕ್ಷಕ ಮಂಜುನಾಥ ಎನ್ ಗೌಡ, ಪಿಎಸ್ಐ ರಾಜಶೇಖರ ವಂದಲಿ ಎಎಸ್ಐ ಶೈಲೇಶ ಪ್ರಸನ್ನ, ಥಾಮ್ಸನ್, ಆದರ್ಶ, ಸುದೀಪ್ ರವರು ಭಾಗವಹಿಸಿರುತ್ತಾರೆ
By 
ForthFocus™