ಅದರಲ್ಲೂ ಅಮೇರಿಕಾದಂತಹ ದೊಡ್ಡ ರಾಷ್ಟ್ರದಲ್ಲಿ ನೆಲೆಸಿರುವ ಲಕ್ಷಾಂತರ ಅನಿವಾಸಿ ಭಾರತೀಯರಿಗಾಗಿ ಅಲ್ಲಿನ ಭಕ್ತರ ಅಪೇಕ್ಷೆ ಯಂತೆ ಬೇರೆ ಬೇರೆ ರಾಜ್ಯಗಳಲ್ಲಿ ಏಳು ಮಂದಿರಗಳು ಈಗಾಗಲೇ ಸ್ಥಾಪಿತಗೊಂಡಿದ್ದು, ಇದೀಗ ವಿಜಯದಶಮಿಯ ಪರ್ವಕಾಲದಲ್ಲಿ North Carolina ರಾಜ್ಯದ Raliegh ಯಲ್ಲಿ ಬಹುನಿರೀಕ್ಷಿತ ಮಂದಿರವು ಎಂಟನೆಯ ಶಾಖೆಯಾಗಿ ಲೋಕಾರ್ಪಣೆಗೊಂಡು ಭಕ್ತರ ಶ್ರದ್ಧಾ ಕೇಂದ್ರವಾಗಿ ತನ್ನ ಕಾರ್ಯವನ್ನು ಪ್ರಾರಂಭಿಸಿದೆ.
ಅಕ್ಟೋಬರ್ 25 ಭಾನುವಾರ ವಿಜಯದಶಮಿಯ ಶುಭಮುಹೂರ್ತದಲ್ಲಿ ಕೃಷ್ಣ, ಮುಖ್ಯಪ್ರಾಣ, ರಾಯರ ಪ್ರತಿಮೆಯನ್ನು ವೈಭವೋ ಪೇತವಾಗಿ ಬರಮಾಡಿಕೊಂಡು ಪಂಚಾಮೃತ, ಕಲಶಾಭಿಷೇಕ ಗಳೊಂದಿಗೆ ಪ್ರಾಣ ಪ್ರತಿಷ್ಠಾಪನೆಯನ್ನು ಮಾಡಿ ಮಾತನಾಡಿದ ಶ್ರೀಪಾದರು ‘ದೇವಕಿಯ ಎಂಟನೇ ಗರ್ಭದಲ್ಲಿ, ಎಂಟನೇ ಅವತಾರವಾಗಿ, ಅಷ್ಟಮಿಯಂದು ಜನಿಸಿದ ಕೃಷ್ಣನಿಗೂ ಎಂಟಕ್ಕೂ ನಂಟು ಇದೆ. ಕೃಷ್ಣನಿಗೆ ಪ್ರೀತಿಯ ಸಂಖ್ಯೆ ಎಂಟು ಹಾಗಾಗಿ ಇಲ್ಲಿನ ಕೃಷ್ಣಭಕ್ತರ ಪ್ರೀತಿಗೆ ಒಲಿದು ಇದನ್ನು ಎಂಟನೇ ಶಾಖೆಯನ್ನಾಗಿ ಆರಿಸಿ ಕೊಂಡ.ಈ ನಿಟ್ಟಿನಲ್ಲಿ Ralieghಯು ನಂದಗೋಕುಲದಂತೆ ಕೃಷ್ಣನಿಗೆ ಅತ್ಯಂತ ಪ್ರಿಯವಾಗಿದ್ದು, ಇಲ್ಲಿನ ಭಕ್ತರ ಕಷ್ಟವನ್ನು ಪರಿಹರಿಸಿ, ಇಲ್ಲೇ ಶಾಶ್ವತವಾಗಿ ನೆಲೆಗೊಳ್ಳುವಂತೆ ಆಗಲಿ ಎಂದು ಹರಸಿದರು.