Janardhan Kodavoor/ Team KaravaliXpress
26 C
Udupi
Monday, May 17, 2021

 13 ವರ್ಷದಿಂದ ಲಾರಿ ಒಣಹುಲ್ಲು ಖರೀದಿಸಿ ಗೋಶಾಲೆಗೆ ನೀಡುತ್ತಿರುವ ಕುಂಜಾಲು ನಿವಾಸಿಯ ಮಾದರಿ ಗೋಸೇವೆ

ಉಡುಪಿ: ಬ್ರಹ್ಮಾವರ ತಾಲೂಕು ವ್ಯಾಪ್ತಿಯ ನೀಲಾವರ ಗ್ರಾಮದ ಕುಂಜಾಲು ನಿವಾಸಿ ರಾಮಚಂದ್ರ ರಾವ್ ಕಳೆದ ಹದಿಮೂರು ವರ್ಷಗಳಿಂದ ಒಂದು ಲಾರಿ ಲೋಡ್ ಒಣ ಹುಲ್ಲನ್ನು ಖರೀದಿಸಿ ನೀಲಾವರ ಗೋಶಾಲೆಗೆ ಸದ್ದಿಲ್ಲದೇ ಒಪ್ಪಿಸುತ್ತಿರುವ ಮಾದರಿ ಕಾರ್ಯದ ಬಗ್ಗೆ ಪೇಜಾವರ ಶ್ರೀ ವಿಶ್ವಪ್ರನ್ನತೀರ್ಥ ಶ್ರೀಪಾದರು ಅತೀವ ಸಂತಸ ವ್ಯಕ್ತಪಡಿಸಿದ್ದಾರೆ.

ಆರೋಗ್ಯ ಇಲಾಖೆಯ ಮೂರನೇ ದರ್ಜೆಯ ಆರೋಗ್ಯ ಸಹಾಯಕ ಹುದ್ದೆಯ ನಿವೃತ್ತ ನೌಕರ ರಾಮಚಂದ್ರ ರಾವ್ ತನ್ನೂರಿನ‌ಲ್ಲೇ ಈ ಗೋಶಾಲೆ ಇದ್ದರೂ ಒಮ್ಮೆಯೂ ನೋಡಿರಲಿಲ್ಲ.

ಒಮ್ಮೆ ಹೀಗೇ ರಸ್ತೆಯಂಚಿನಲ್ಲೇ ಇರುವ ಮನೆ ಮುಂದೆ ನಿಂತಿರುವಾಗ ಬೆಂಗಳೂರಿನ ಭಕ್ತರಿಬ್ಬರು ಕಾರ್ ನಲ್ಲಿ ಆ ರಸ್ತೆಯಲ್ಲಿ ಬಂದವರೇ ಅವರನ್ನು ಕಂಡು ಗೋಶಾಲೆಗೆ ಹೋಗುವ ದಾರಿಯ ಬಗ್ಗೆ ಕೇಳಿದ್ರಂತೆ.‌ಕೊನೆಗೆ ತಾನೇ ಅವರ ಜೊತೆ ಕಾರಲ್ಲಿ ಗೋಶಾಲೆ ತೋರಿಸುವ ನಿರ್ಧಾರ ಮಾಡಿ ಕರೆದುಕೊಂಡು ಹೋಗ್ತಾರೆ .‌ಆದ್ರೆ ಅಲ್ಲಿನ ಗೋಶಾಲೆ ಕಂಡವರೇ ಸ್ವಾಮೀಜಿಯವರು ತಮ್ಮೂರಲ್ಲಿ ಇಷ್ಟು ದೊಡ್ಡ ಗೋಶಾಲೆ ಕಟ್ಟಿ ಇಷ್ಟೊಂದು ಹಸುಗಳನ್ನು ಯಾವ ಆದಾಯವೂ ಇಲ್ಲದೇ ಪೋಷಿಸುತ್ತಿದ್ದರೂ ತಾನು ಈ ತನಕ ಇದನ್ನು ನೋಡಿಯೂ ಇಲ್ಲದಿರುವ ಬಗ್ಗೆ ಮನಸ್ಸಲ್ಲೇ ಮುಜುಗರ ಪಟ್ಟಿದ್ದರಂತೆ.

ಅಲ್ಲಿಂದ ಬಂದ ನಾಲ್ಕೈದು ದಿನಗಳಲ್ಲೇ ತನ್ನ ಪಿಂಚಣಿಯ ಉಳಿತಾಯದ ಹಣದಲ್ಲಿ ಒಂದು ಲಾರಿ ಲೋಡ್ ನಷ್ಟು ಹುಲ್ಲನ್ನು ಖರೀದಿಸಿ ಗೋಶಾಲೆಗೆ ಕೊಟ್ಟು ಸಂತೋಷ ಪಡ್ತಾರೆ. ವಿಷಯವನ್ನು ಹೆಂಡ್ತಿ ಮಕ್ಕಳಿಗೂ ತಿಳಿಸಿದಾಗ ಅವರೂ ಬೆಂಬಲ ಸೂಚಿಸ್ತಾರೆ.ಇಲ್ಲಿ ತನಕ ನಿರಂತರವಾಗಿ ಪ್ರತೀ ವರ್ಷ ಒಂದು ಲಾರಿ ಲೋಡ್ ನಷ್ಟು ಹುಲ್ಲನ್ನು ಗೋಶಾಲೆಯ ಗೋವುಗಳಿಗೆ ಅರ್ಪಿಸುವ ಪರಿಪಾಠ ಇಟ್ಕೊಂಡಿದ್ದಾರೆ. ಒಂದು ವೇಳೆ ಸ್ಥಳೀಯವಾಗಿ ಹುಲ್ಲು ಸಿಗದಿದ್ರೆ ಹೊನ್ನಾಳಿ ಸಾಗರ ತೀರ್ಥಳ್ಳಿಗಳಿಂದಾದ್ರೂ ಖರೀದಿಸಿ ಕೊಡ್ತಾರೆ.

 

 

- Advertisement -

ಸಂಬಂಧಿತ ಸುದ್ದಿ

Leave a Reply

ಛಾಯಾಂಕಣ

ಇತ್ತೀಚಿನ ಸುದ್ದಿ

ತೌಕ್ತೆ ಚಂಡಮಾರುತದ ಪರಿಣಾಮ ಕಾಪು  ಪರಿಸರದಲ್ಲಿ ಹಾನಿಗೊಳಗಾದ ಪ್ರದೇಶಕ್ಕೆ ಮಾಜಿ ಸಚಿವ ವಿನಯ್ ಕುಮಾರ್ ಸೊರಕೆಭೇಟಿ 

ಮಾಜಿ ಸಚಿವ ವಿನಯ್ ಕುಮಾರ್ ಸೊರಕೆಯವರು ಶನಿವಾರದಂದು ತೌಕ್ತೆ ಚಂಡಮಾರುತದ ಪರಿಣಾಮ ಕಾಪು  ಪರಿಸರದಲ್ಲಿ ಹಾನಿಗೊಳಗಾದ ಪರಿಸರಕ್ಕೆ ಭೇಟಿ ನೀಡಿ ಜನರಿಗೆ ಧೈರ್ಯ ತುಂಬುವ ಕೆಲಸ ಮಾಡಿದರು.  ಹಾನಿಗೊಳಗಾದ ಪ್ರದೇಶದ ಕುರಿತು...

ಸೋದೆ, ಶಿರೂರು ಉಭಯ ಶ್ರೀಗಳಿಂದ ಪಲಿಮಾರು ಮೂಲ ಮಠಕ್ಕೆ ಭೇಟಿ 

ಶೀರೂರು ಮಠಕ್ಕೆ ಪಟ್ಟಾಭಿಷಿಕ್ತರಾದ ಶ್ರೀ ವೇದವರ್ಧನ ತೀರ್ಥ ಶ್ರೀಪಾದರು ಸೋದೆ ಶ್ರೀವಿಶ್ವ ವಲ್ಲಭ ತೀರ್ಥರ ಜೊತೆಯಾಗಿ ಪಲಿಮಾರು ಮೂಲಮಠಕ್ಕೆ ಭೇಟಿ ನೀಡಿ ಶ್ರೀ ವಿದ್ಯಾಧೀಶ ತೀರ್ಥ ಶ್ರೀಪಾದರಿಗೆ ಹಾಗೂ ಶ್ರೀವಿದ್ಯಾರಾಜೇಶ್ವರ ತೀರ್ಥ ಶ್ರೀಪಾದರಿಗೆ...

ಪೆರಂಪಳ್ಳಿ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಸ್ಥಾನದಲ್ಲಿ ನಡೆಯುತ್ತಿದೆ ಪ್ರಗತಿಕಾರ್ಯ

ಉಡುಪಿ: ಜಿಲ್ಲೆಯ ಶಿವಳ್ಳಿ ಗ್ರಾಮದ ಪೆರಂಪಳ್ಳಿ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಸ್ಥಾನದಲ್ಲಿ ಕೆಲವು ನವೀಕರಣ ಕಾರ್ಯಗಳನ್ನು ಕೈಗೆತ್ತಿಕೊಂಡಿದ್ದು ಮೊದಲ ಹಂತದಲ್ಲಿ ಶ್ರೀ ಮಹಾಗಣಪತಿಯ ಗುಡಿ ತೀರ್ಥಮಂಟಪಗಳನ್ನು ನೂತನವಾಗಿ ನಿರ್ಮಿಸಲಾಗುತ್ತಿದೆ .‌ ಸೀಮಿತ ಅವಧಿಯೊಳಗೆ ಕಾರ್ಯಗಳನ್ನು...

​ಕಾಪು ಸಮುದ್ರ ಮಧ್ಯೆ ಸಿಲುಕಿಕೊಂಡಿರುವ 9 ಕಾರ್ಮಿಕರ ರಕ್ಷಣೆಗೆ ಪ್ರಧಾನಿ, ರಕ್ಷಣಾ ಸಚಿವರಿಗೆ ಮಾಜಿ ಸಚಿವ ಪ್ರಮೋದ್ ಮಧ್ವರಾಜ್ ಮನವಿ

ಭಾರತ ಸರಕಾರದ ರಕ್ಷಣಾ ಸಚಿವರಾದ ಶ್ರೀ ರಾಜನಾಥ್ ಸಿಂಗ್ ಮತ್ತು ಗೌರವಾನ್ವಿತ ಪ್ರಧಾನಮಂತ್ರಿಯವರಾದ ಶ್ರೀ ನರೇಂದ್ರ ಮೋದಿಯವರೇ, ಉಡುಪಿ ಜಿಲ್ಲೆಯ ಕಾಪು ಸಮುದ್ರ ತೀರದಿಂದ ಸಮುದ್ರದ ಮಧ್ಯದಲ್ಲಿ ಈ ಬಡಪಾಯಿ ಕಾರ್ಮಿಕರು ಸಿಕ್ಕಿಬಿದ್ದಿರುತ್ತಾರೆ, ಸಮುದ್ರ...
error: Content is protected !!