ಪ್ಲೂ ಜ್ವರವೆಂಬ ಮೊದಲನೆಯ ಹಂತ: ಕೊರೊನಾ ವೈರಾಣು ಮೂಲತಃ ಪ್ಲೂಜ್ವರದ ವೈರಾಣು. ಇದರಿಂದ ನೆಗಡಿ,ಗಂಟಲುನೋವು ,ಜ್ವರ, ಮೈಕೈನೋವು, ತಲೆನೋವು ಇತ್ಯಾದಿ ಪ್ಲೂ ಜ್ವರದ ಚಿಹ್ನೆಗಳು ಕಾಣಿಸುತ್ತವೆ. ಈ ಚಿಹ್ನೆಗಳು ಕೆಲವರಲ್ಲಿ ತೀವ್ರವಾಗಿಯೂ ಇನ್ಮು ಕೆಲವರಲ್ಲಿ ಸೌಮ್ಯ ವಾಗಿಯೂ ಇರುತ್ತದೆ.
ಈ ಹಂತವು ಸುಮಾರು ಐದು ದಿನಗಳ ಕಾಲ ಇರುತ್ತದೆ. ಈ ಹಂತದಲ್ಲಿ ವಿಶ್ರಾಂತಿ, ಉತ್ತಮ ಆಹಾರ, ಸಾಕಷ್ಟು ನೀರು ಸೇವನೆ ಅತೀ ಮುಖ್ಯ. ಪ್ಯಾರಸಿಟಮಾಲ್ ಮಾತ್ರೆ ಹಾಗೂ ವಿಟಮಿನ್ ಮಾತ್ರೆಗಳನ್ನು ಹೊರತು ಪಡಿಸಿ ಇತರ ಔಷಧಿಯ ಅಗತ್ಯ ಈ ಹಂತದಲ್ಲಿ ಇರುವುದಿಲ್ಲ.ಈ ಹಂತದಲ್ಲಿ ಯಾವುದೇ ಪ್ರಾಣಾಪಾಯವೂ ಇರುವುದಿಲ್ಲ.
ರೋಗವರ್ಧನೆಯ ಎರಡನೆಯ ಹಂತ: ಫ್ಲೂ ಜ್ವರದ ಚಿಹ್ನೆಗಳು ಆರಂಭವಾಗಿ ಐದನೆಯ ದಿನದಿಂದ ಹನ್ನೆರಡನೆಯ ದಿನದ ತನಕ ಈ ಹಂತವಿರುತ್ತದೆ. ಈ ಹಂತದಲ್ಲಿ ನಮ್ಮ ದೇಹವು ಕೊರೊನಾ ವೈರಾಣುವಿನ ವಿರುದ್ದ ನಿರೋಧಕ ಶಕ್ತಿಯನ್ನು ಬೆಳೆಸಿಕೊಳ್ಳುತ್ತದೆ.
ಆದರೆ ನಂತರದ ದಿನಗಳಲ್ಲಿ ಕೆಮ್ಮು , ಉಸಿರಾಟದ ತೊಂದರೆ, ಎದೆ ನೋವು ,ವಾಂತಿ, ಸುಸ್ತು ಇತ್ಯಾದಿ ಚಿಹ್ನೆಗಳು ಕಾಣಿಸಿಕೊಳ್ಳುತ್ತವೆ. ನೆನಪಿಡಿ , ನೂರು ಕೊರೊನಾ ರೋಗಿಗಳಲ್ಲಿ ಹತ್ತರಿಂದ ಇಪ್ಪತ್ತರಷ್ಟು ರೋಗಿಗಳು ಈ ಹಂತವನ್ನು ಪ್ರವೇಶಿಸುತ್ತಾರೆ.
ಅಪಾಯಕಾರಿ ಮೂರನೇ ಹಂತ: ಪ್ಲೂಜ್ವರದ ಆರಂಭದ ಹತ್ತನೆಯ ದಿನದಿಂದ ಹನ್ನೆರಡನೆಯ ದಿನದಂದು ಈ ಮೂರನೆಯ ಹಂತ ಆರಂಭವಾಗುತ್ತದೆ. ನಮ್ಮ ದೇಹದಲ್ಲಿ ಆರಂಭವಾದ ರಕ್ತ ಹೆಪ್ಪುಗಟ್ಟುವ ಗುಣದಿಂದಾಗಿ ಶ್ವಾಸಕೋಶ ದಲ್ಲಿ ಅಲ್ಲಲ್ಲಿ ರಕ್ತ ಹೆಪ್ಪುಗಟ್ಟುವ ಪ್ರಕ್ರಿಯೆ ಜೋರಾಗಿ, ಶ್ವಾಸಕೋಶದಲ್ಲಿ ಗಾಳಿಯಲ್ಲಿರುವ ಆಮ್ಲಜನಕವನ್ನು ಹೀರಿಕೊಳ್ಳುವ ಕೆಲಸಕ್ಕೆ ಅಡಚಣೆ ಆರಂಬವಾಗುತ್ತದೆ.
ಈ ಅಡಚಣೆ ಎಷ್ಟು ತೀವ್ರದ್ದೂ ಅಗಬಹುದೆಂದರೆ ವೆಂಟಿಲೇಟರ್ ಮುಖಾಂತರ ಆಮ್ಲಜನಕವನ್ನು ಒತ್ತಡದಲ್ಲಿ ಶ್ವಾಸಕೋಶ ದೊಳಗೆ ಕಳಿಸುವ ಮಟ್ಟಿಗೆ ಆಗಬಹುದು. ಈ ಹಂತಕ್ಕೆ ತಲುಪಿದ ರೋಗಿಗಳ ಶ್ವಾಸಕೋಶದ ಜೊತೆಗೆ ಇತರ ಅಂಗ ಗಳಿಗೂ ಹಾನಿಯಾಗಿ ಅವರು ಸಾವನ್ನಪ್ಪುವ ಸಾಧ್ಯತೆ ಅಧಿಕವಾಗಿದೆ. ಆದುದರಿಂದ ಕೊರೊನಾ ಖಾಯಿಲೆಯ ಚಿಕಿತ್ಸೆಯಲ್ಲಿ ಮೂರನೆಯ ಹಂತವನ್ನು ತಲುಪದಿರುವುದು ಅತೀ ಮುಖ್ಯವಾದುದು.
ಕೊರೊನಾ ಖಾಯಿಲೆ ಬಂದವರೆಲ್ಲಾ ಎರಡನೆಯ ಹಾಗೂ ಮೂರನೆಯ ಹಂತವನ್ನು ಕಡ್ಡಾಯವಾಗಿ ಪ್ರವೇಶಿಸುವ ರೆಂದೇನಿಲ್ಲ ಹಾಗೆಯೇ ಎರಡನೆಯ ಹಂತದಲ್ಲಿರುವವರು ಮೂರನೆಯ ಹಂತವನ್ನು ಪ್ರವೇಶಿಸದಿರಲೂ ಸಾಧ್ಯವಿದೆ.
ಮೂರನೆಯ ಹಂತವನ್ನು ತಲುಪದಿರಲು ನಾವೇನು ಮಾಡಬೇಕು:
೧) ನಮ್ಮ ದೇಹದೊಳಗೆ ಪ್ರವೇಶ ಪಡೆದ ವೈರಾಣುಗಳ ಸಂಖ್ಯೆ ಯಾವತ್ತೂ ಕಡಿಮೆ ಇರುವಂತೆ ಪ್ರಯತ್ನಿಸಬೇಕು. ಸದಾಕಾಲ ಬಾಯಿ ಹಾಗೂ ಮೂಗು ಮುಚ್ಚುವಂತೆ ಸ್ವಚ್ಚ ಮಾಸ್ಕ ಧರಿಸುವುದು, ಪದೇ ಪದೆ ಕೈಗಳನ್ನು ತೊಳೆಯುವುದರಿಂದ ಇದನ್ನು ಸಾಧಿಸಬಹುದು.
೨) ನಮಗೆ ಬಂದಿರುವ ಖಾಯಿಲೆ ಕೋರೊನಾ ವೇ ಆಗಿದೆ ಎಂಬುದನ್ನು ಮೊದಲ ದಿನವೇ ತಪ್ಪಿದಲ್ಲಿ ಎರಡನೆಯ ದಿನವಾದರೂ ಪರೀಕ್ಷೆ ಗೆ ಒಳಗಾಗಿ ತಿಳಿದಿರುವುದು. ಇದರಿಂದ ನಾವು ಸರಿಯಾದ ಚಿಕಿತ್ಸೆಯ ನ್ನು ಬೇಗನೆ ಆರಂಭಿಸಲು ಸಾಧ್ಯ ವಾಗುತ್ತದೆ.