ಇನ್ನು ಸರ್ಕಾರದ ನಿರ್ದೇಶನದಂತೆ ಮಾರ್ಷಲ್ಸ್ ಮತ್ತು ಪೊಲೀಸರು ಮಾಸ್ಕ್ ಹಾಕದವರಿಂದ ದಂಡ ಪಡೆಯುತ್ತಿದ್ದಾರೆ. ಅಧಿಕ ದಂಡದ ವಿರುದ್ಧ ಸಾರ್ವಜನಿಕ ವಲಯದಲ್ಲಿ ತೀವ್ರ ಆಕ್ಷೇಪಣೆ ಎದುರಾಗಿತ್ತು. ಮಾಸ್ಕ್ ಧರಿಸದೆ ತಪ್ಪು ಮಾಡಿದ್ರೆ ದಂಡ ಪಾವತಿಸುತ್ತೇವೆ. ಆದರೆ ಸಾವಿರ ರೂ. ಕೊಡಲಾಗು ವುದಿಲ್ಲ, ದಂಡದ ಪ್ರಮಾಣ ಕಡಿಮೆ ಮಾಡಿ, ಅಥವಾ ಒಂದು ಮಾಸ್ಕ್ ಕೊಟ್ಟು ಬುದ್ಧಿ ಹೇಳಿ ಎಂದು ಜನರು ಆಕ್ರೋಶ ವ್ಯಕ್ತಪಡಿಸಿದ್ದರು.
ಅಂತೂ ಇಂತೂ ಜನರ ಆಗ್ರಹಕ್ಕೆ ಮಣಿದ ಸಿಎಂ ಬಿ.ಎಸ್.ಯಡಿಯೂರಪ್ಪ, ದಂಡದ ಪ್ರಮಾಣ ಕಡಿಮೆ ಮಾಡಿದ್ದಾರೆ. ನಗರದಲ್ಲಿ 1000 ರೂ. ದಂಡದಿಂದ 250 ರೂ.ಗೆ ಕಡಿಮೆ ಮಾಡಿದ್ದು, ಗ್ರಾಮೀಣ ಪ್ರದೇಶದಲ್ಲಿ 500 ರೂಪಾಯಿಂದ 100 ರೂಪಾಯಿಗೆ ದಂಡದ ಹಣವನ್ನು ಇಳಿಕೆ ಮಾಡಿ ಬುಧವಾರ ಮಧ್ಯಾಹ್ನ ಆದೇಶ ಹೊರಡಿಸಿದ್ದಾರೆ.