Janardhan Kodavoor/ Team KaravaliXpress
23.6 C
Udupi
Thursday, December 8, 2022
Sathyanatha Stores Brahmavara

ಉಡುಪಿಯಲ್ಲಿ ಕೊರೋನಾ ಬ್ಲಾಸ್ಟ್-845 ಮಂದಿಗೆ ಪಾಸಿಟಿವ್

ಉಡುಪಿಯಲ್ಲಿ ಸರಕಾರಿ ವೈದ್ಯರ ಮುಷ್ಕರದ ಕಾರಣ ಸ್ಥಗಿತಗೊಂಡಿದ್ದ ಕೋರೋನಾ ದೈನಂದಿನ ಬುಲೆಟಿನ್ ಶುಕ್ರವಾರದಿಂದು ಮತ್ತೆ ಪ್ರಕಟಿಸಲಾಗಿದೆ. ಸೆ. 14 ರಿಂದ 18 ರವರೆಗೆ ಒಟ್ಟು 845 ಮಂದಿಯಲ್ಲಿ ಕೊರೋನಾ ಪಾಸಿಟಿವ್ ದೃಢಪಟ್ಟಿದೆ. ಈ ಮೂಲಕ ಜಿಲ್ಲೆಯಲ್ಲಿ ಒಟ್ಟು ಕೊರೊನಾ ಸೋಂಕಿತರ ಸಂಖ್ಯೆ 14883 ಕ್ಕೆ ಏರಿಕೆಯಾಗಿದೆ .

ಈ ಕುರಿತು ಮಾಹಿತಿ ನೀಡಿ, ಸೋಂಕಿತರಲ್ಲಿ ಉಡುಪಿಯ 578, ಕುಂದಾಪುರದ 127, ಕಾರ್ಕಳದ 114 ಹಾಗೂ ಇತರೆ ಜಿಲ್ಲೆಗಳ 26 ರೋಗಿಗಳು ಇದ್ದಾರೆ. 379 ಸೋಂಕಿತರಿಗೆ ರೋಗ ಲಕ್ಷಣಗಳು ಕಂಡುಬಂದರೆ 466 ಮಂದಿಗೆ ಲಕ್ಷಣಗಳು ಇಲ್ಲ ಎಂದು ಜಿಲ್ಲಾ ಆರೋಗ್ಯಾಧಿಕಾರಿ ಡಾ|ಸುಧೀರ್ ಚಂದ್ರ ಸೂಡ ಮಾಹಿತಿ ತಿಳಿಸಿದ್ದಾರೆ.

ಪ್ರಾಥಮಿಕ ಸಂಪರ್ಕದ 430, ಐಎಲ್ಐ ಲಕ್ಷಣಗಳಿರುವ 215, ‘ಸಾರಿ’ ಲಕ್ಷಣಗಳಿರುವ 23 ಮಂದಿಗೆ, ಹಾಗೂ ಅಂತರ್ ಜಿಲ್ಲೆ, ಅಂತರ್ ರಾಜ್ಯ ಹಾಗೂ ವಿದೇಶದಿಂದ ಬಂದ 12 ಮಂದಿಗೆ ಸೋಂಕು ತಗುಲಿದ್ದು, ಇನ್ನೂ 165 ಜನರ ಸೋಂಕಿನ ಮೂಲವನ್ನು ಪತ್ತೆ ಹಚ್ಚಲಾಗುತ್ತಿದೆ.

ಸೋಂಕಿತರ ಪ್ರಾಥಮಿಕ ಸಂಪರ್ಕಕ್ಕೆ ಬಂದ, ಶೀತಜ್ವರ, ಉಸಿರಾಟದ ಸಮಸ್ಯೆ ಇರುವ 92474 ಜನರ ಗಂಟಲ ದ್ರವದ ಮಾದರಿಯನ್ನು ಈಗಾಗಲೇ ಪ್ರಯೋಗಾಲಯಕ್ಕೆ ಕಳುಹಿಸಲಾಗಿದೆ. ಇದುವರೆಗೆ 5633 ವರದಿಗಳು ನೆಗೆಟಿವ್ ಬಂದಿದ್ದು, 845 ಪಾಸಿಟಿವ್ ಬಂದಿವೆ. 209 ವರದಿಗಳು ಬರುವುದು ಬಾಕಿ ಇದೆ. ಒಟ್ಟು 865 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆ ಗೊಂಡಿದ್ದು, ಜಿಲ್ಲೆಯಲ್ಲಿ ಇದುವರೆಗೂ 13041 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ.

ಸದ್ಯ 1703 ಸಕ್ರಿಯ ಪ್ರಕರಣಗಳಿವೆ. ಜಿಲ್ಲೆಯಲ್ಲಿ 5 ದಿನದ ಅವಧಿಯಲ್ಲಿ ಒಟ್ಟು 9 ಮಂದಿ ಕೊರೋನಾ ಸೋಂಕಿತರು ಮೃತಪಟ್ಟಿದ್ದು, ಇದುವರೆಗೆ ಕೊರೋನಾದಿಂದ ಒಟ್ಟು 139 ಮಂದಿ ಸಾವನಪ್ಪಿದ್ದಾರೆ

- Advertisement -

ಸಂಬಂಧಿತ ಸುದ್ದಿ

Leave a Reply

ಛಾಯಾಂಕಣ

ಇತ್ತೀಚಿನ ಸುದ್ದಿ

error: Content is protected !!