ಸರಕಾರಿ ಪದವಿ ಪೂರ್ವ ಕಾಲೇಜು,ಮಲ್ಪೆ : ಪ್ರೌಢಶಾಲಾ ವಿಭಾಗದಲ್ಲಿ ಕಂಪ್ಯೂಟರ್ ಟ್ಯಾಬ್ ವಿತರಣೆ

 ಉಡುಪಿ :- ರೋಟರಿ ಉಡುಪಿ ಮತ್ತು ಪಬ್ಲಿಕ್ ಟಿ.ವಿ. ಇವರ ಜಂಟಿ ಸಹಯೋಗದಲ್ಲಿ ಮಲ್ಪೆ ಸರಕಾರಿ ಪದವಿಪೂರ್ವ ಕಾಲೇಜಿನ ಪ್ರೌಢಶಾಲಾ ವಿಭಾಗದಲ್ಲಿ ಹತ್ತನೇ ತರಗತಿ ವಿದ್ಯಾರ್ಥಿಗಳಿಗೆ ಕಂಪ್ಯೂಟರ್ ಟ್ಯಾಬ್ ವಿತರಣಾ ಕಾರ್ಯಕ್ರಮವನ್ನು ರೋ. ಪಿ.ದಯಾನಂದ ಶೆಟ್ಟಿ, ಚೆಯರ್ಮೇನ್, ಸ್ಕೂಲ್ ಸಪೋರ್ಟ್ ಕಮಿಟಿ,  ಜ್ಯೋತಿ ಬೆಳಗಿಸುವುದರೊಂದಿಗೆ ಉದ್ಘಾಟಿಸಿ, ಟ್ಯಾಬ್‍ಗಳನ್ನು ವಿತರಿಸಿದರು.

ನಂತರ ಮಾತನಾಡಿದ ಅವರು, ಕರೋನಾದ ಈ ಸಂಕಷ್ಟದ ಸಮಯದಲ್ಲಿ ವಿದ್ಯಾರ್ಥಿಗಳ ಉತ್ತಮ ಕಲಿಕೆಗೆ ಟ್ಯಾಬ್ ಸಹಕರಿಯಾಗಲಿದೆ, ವಿದ್ಯಾರ್ಥಿಗಳು ಇದರ ಸಂಪೂರ್ಣ ಸದುಪಯೋಗ ಪಡಿಸಿಕೊಂಡು ಕಲಿಕೆಯಲ್ಲಿ ಉತ್ತಮ ಸಾಧನೆಗೈಯಬೇಕು ಎಂದರು.

 ಶಾಲಾಭಿವೃಧ್ದಿಸಮಿತಿಯ ಉಪಾಧ್ಯಕ್ಷ  ಪಾಂಡುರಂಗ ಮಲ್ಪೆ, ಹಳೆವಿದ್ಯಾರ್ಥಿ ಸಂಘದ ಅಧ್ಯಕ್ಷ ಗೋಪಾಲ ಸಿ ಬಂಗೇರ, ನಗರಸಭಾ ಸದಸ್ಯ ಸುಂದರ ಕಲ್ಮಾಡಿ, ರೋ‌. ಮಹೇಶ ಕುಮಾರ, ಇನ್ನರ್ ವೀಲ್ ಅಧ್ಯಕ್ಷೆ ರೋ.ಮಾಲತಿ ತಂತ್ರಿ ಉಪಸ್ಥಿತರಿದ್ದು ಶುಭ ಹಾರೈಸಿದರು.ದಾನಿಗಳಾದ ಶ್ರೀ ಮೋಹನದಾಸ ಪೈ ಮತ್ತುಉಡುಪಿ ರೋ. ಅಧ್ಯಕ್ಷೆ ರೋ. ರಾಧಿಕಾ ಲಕ್ಷ್ಮೀನಾರಾಯಣ್ ಅವರನ್ನು ಶಾಲೆಯ ವತಿಯಿಂದ ಸನ್ಮಾನಿಸಲಾಯ್ತು.ಅಧ್ಯಕ್ಷೆ ರೋ. ರಾಧಿಕಾ ಲಕ್ಷ್ಮಿನಾರಾಯಣ ಅವರು ತಮ್ಮ ಭಾಷಣದಲ್ಲಿ, ಟ್ಯಾಬ್‍ನಲ್ಲಿ ಗುಣಮಟ್ಟದ ಪಾಠಗಳನ್ನು ಸಂಯೋಜಿಸಿದ್ದು, ವಿದ್ಯಾರ್ಥಿಗಳ ಕಲಿಕೆಗೆ ಪೂರಕವಾಗಲಿದೆ ಎಂದರು. ಮುಖ್ಯೋಪಾಧ್ಯಾಯಿನಿ ಶ್ರೀಮತಿ ಸಂದ್ಯಾ ಸ್ವಾಗತಿಸಿ, ರೋ. ದೀಪ ಭಂಡಾರಿ ವಂದಿಸಿದರು.ರೋ. ರಾಮಚಂದ್ರ ಉಪಾಧ್ಯಾಯ ಕಾರ್ಯಕ್ರಮ ನಿರೂಪಿಸಿದರು.