Janardhan Kodavoor/ Team KaravaliXpress
26 C
Udupi
Thursday, April 22, 2021

ಬದುಕಿನ ಪ್ರತೀ ಹಂತದ ಗುರುಗಳಿಗೊಂದು ಸಲಾಂ

ನಮ್ಮ ಬದುಕಿನ ವಿವಿಧ ಹಂತದಲ್ಲಿ ಬಹಳಷ್ಟು ಜನರಿಂದ ಬಹಳಷ್ಟು ವಿಷಯಗಳನ್ನು  ಕಲಿತಿರುತ್ತೇವೆ. ಅವರೆಲ್ಲರನ್ನೂ ನಾವೆಂದೂ  ‘ಗುರು’ ಎಂದು ಕರೆಯದೇ ಕೇವಲ ಔಪಚಾರಿಕ ಶಿಕ್ಷಣದಲ್ಲಿ(ಶಾಲೆ ಕಾಲೇಜು ಹಂತದಲ್ಲಿ) ನಮಗೆ ಕಲಿಸಿದ ಶಿಕ್ಷಕರನ್ನು ಮಾತ್ರ ಗುರು ಎಂದು ನಾವು ಕರೆಯುವ ರೂಢಿಯನ್ನು ಬೆಳೆಸಿಕೊಂಡಿದ್ದೇವೆ 

 “ಕಣ್ಣು ಕಂಡ ಮೊದಲ ದೈವ ಜನನಿ ಅಲ್ಲವೇ, ನನ್ನ ಒಡಲ ಮೊದಲ ನುಡಿಯು ಅಮ್ಮನಲ್ಲವೇ” ಎಂಬ  ಸಾಮಾಜಿಕ ಯಕ್ಷಗಾನ ಪ್ರಸಂಗದ ಒಂದು  ಪದ್ಯ ಎಷ್ಟೊಂದು ಅರ್ಥಗರ್ಭಿತವಾದುದು.  ನಾವೆಲ್ಲರೂ ನಮ್ಮ ಬದುಕಿನಲ್ಲಿ ಕಂಡ ಮೊದಲ ದೇವರೆಂದರೆ “ಅಮ್ಮ,” ಅದೇ ರೀತಿ ನಮ್ಮ  ಬಾಯಿಂದ ಬರುವ ಮೊದಲ ಶಬ್ದವೂ  “ಅಮ್ಮ”.  ತಾಯಿ ನಮ್ಮೆಲ್ಲರ ಬದುಕಿನ ಮೊದಲ  ಗುರು. ನವ ಮಾಸ ಹೊತ್ತು, ಹೆತ್ತು, ಮನೆಯ ಒಳಗಿನ ವಿಚಾರಗಳನ್ನು  ನಮಗೆ ತಿಳಿ ಹೇಳುವವಳು, ತಪ್ಪಿದಾಗ ತಿದ್ದುವವಳು ಅಮ್ಮ.
“ಮನೆಯೆ ಮೊದಲ ಪಾಠಶಾಲೆ:  ಜನನಿ ತಾನೆ ಮೊದಲ ಗುರುವು, ಜನನಿಯಿಂದ ಪಾಠ ಕಲಿತ ಜನರು ಧನ್ಯರು” ಎಂಬ ಕವಿ ವಾಣಿಯಂತೆ, ಮನೆಯೇ ನಮಗೆ ಮೊದಲ ಪಾಠಶಾಲೆ, ತಾಯಿ ನಮಗೆ ಮೊದಲ ಗುರು,  ಆದರೆ ನಾವೆಂದಿಗೂ “ಗುರು” ಎಂದು ತಿಳಿಯಲೇ ಇಲ್ಲ.  ಇನ್ನು ತಂದೆ , ಅಕ್ಕ , ಅಣ್ಣ, ಇತ್ಯಾದಿ ಸಂಬಂಧಿಕರಿಂದ   ನಾವು  ನಮ್ಮ ಪೂರ್ವಜರು ಪಾಲಿಸಿಕೊಂಡು ಬಂದ  ಆಚಾರ -ವಿಚಾರ,  ಸಂಪ್ರದಾಯಗಳನ್ನು ಕಟ್ಟು ಕಟ್ಟಳೆ ಗಳನ್ನು, ಶಿಸ್ತನ್ನು  ಕಲಿತಿರುತ್ತೇವೆ.  ಒಂದರ್ಥದಲ್ಲಿ ಅವರೂ ನಮ್ಮ ಪಾಲಿಗೆ ಗುರುಗಳೇ, ಆದರೆ ನಾವೆಂದಿಗೂ ಇವರೆಲ್ಲರನ್ನು ಗುರುಗಳೆಂದು ತಿಳಿಯಲೇ ಇಲ್ಲ.
ಔಪಚಾರಿಕ ಶಿಕ್ಷಣ ವ್ಯವಸ್ಥೆ ಅಂದರೆ ಪ್ರಾಥಮಿಕ, ಪ್ರೌಢ, ಕಾಲೇಜು ಹಂತಗಳಲ್ಲಿ ನಮಗೆ ವಿವಿಧ, ಭಾಷೆ, ವಿವಿಧ ವಿಷಯಗಳನ್ನು, ಜೀವನ ಮೌಲ್ಯಗಳನ್ನು, ಬಾಹ್ಯ ಪ್ರಪಂಚದಲ್ಲಿ ನಾವು ಹೇಗಿರಬೇಕು, ಸಮಾಜದಲ್ಲಿ ಹೇಗಿರಬೇಕು ಎಂಬ ವಿಚಾರಗಳನ್ನು ನಮಗೆ ತಿಳಿಸಿದ ಗುರುಗಳಿಗೆ ನಮೋ ಎನ್ನೋಣವೇ. ನಮ್ಮ ಮಿತ್ರರು ನಮ್ಮ  ಸಂದಿಗ್ದ ಪರಿಸ್ಥಿತಿಯಲ್ಲಿ ಸಹಾಯವನ್ನು ಮಾಡಿ ತಿಳಿ ಹೇಳಿ ದವರು ಅವರು ನಮ್ಮ ಪಾಲಿನ ಗುರುಗಳೇ. ನಾವು ಮಾಡುತ್ತಿರುವ ಉದ್ಯೋಗದ ಸ್ಥಳದಲ್ಲಿ  ನಮ್ಮ ಹಿರಿಯರಿಂದ, ಕಿರಿಯ ರಿಂದ  ನಾವು ಉದ್ಯೋಗಕ್ಕೆ ಸಂಬಂಧಿಸಿದ  ಹಲವು ವಿಚಾರಗಳನ್ನು ಕಲಿಯುತ್ತೇವೆ ಅವರೂ ನಮ್ಮ ಪಾಲಿನ ಗುರುಗಳೇ.
ಕೊನೆಯದಾಗಿ,  ನಮ್ಮ ಇತರ  ಚಟುವಟಿಕೆಗಳು ಅಂದರೆ ಸಂಗೀತ, ನಾಟ್ಯ, ಯಕ್ಷಗಾನ, ಚಿತ್ರ ಕಲೆ, ಕ್ರೀಡೆ ಇನ್ನಿತರ ಚಟುವಟಿಕೆ ಗಳಲ್ಲಿ ಹುರಿದುಂಬಿಸಿ,  ನಮಗೆ ಕಲಿಸಿದವರು ನಮ್ಮ ಗುರುಗಳೇ. ನಮ್ಮ ಉಸಿರಿರುವವರೆಗೆ ಬಹಳಷ್ಟು ವಿಚಾರಗಳನ್ನು ಬೇರೆಯವ ರಿಂದ ಕಲಿಯುತ್ತಿರುತ್ತೇವೆ, ಅವರೆಲ್ಲರಿಗೂ  ಸಲಾಂ ಹೇಳಬೇಕಾದುದು ನಮ್ಮ ಧರ್ಮ.
- Advertisement -

ಸಂಬಂಧಿತ ಸುದ್ದಿ

Leave a Reply

ಛಾಯಾಂಕಣ

ಇತ್ತೀಚಿನ ಸುದ್ದಿ

ಮಟ್ಟು ದೇವಳದಲ್ಲಿ ರಾಘವನ ಜನನ

ಪಲಿಮಾರು ಮಠ ಪರಂಪರೆಯ ರಾಮ ನವಮಿಯ ಆಚರಣಾ *ಇತಿಹಾಸದಲ್ಲೇ ಮೊದಲ ಬಾರಿಗೆ* ಮಟ್ಟು ದೇವಳದಲ್ಲಿ ಯತಿದ್ವಯರ ಆಶೀರ್ವಾದದೊಂದಿಗೆ *ಶ್ರೀರಾಮ ದೇವರ ರಥೋತ್ಸವ* ಬಹು ವಿಜ್ರಂಭಣೆಯಿಂದ ಜರುಗಿತು. ಈ ಪರ್ವ ಕಾಲದಲ್ಲಿ *ದೇವಳದ ಹಸುವು ಗಂಡು...

​ ​ಜಿಲ್ಲೆಯಲ್ಲಿ ಹೆಚ್ಚು ಕೋವಿಡ್ ಟೆಸ್ಟ್ ನೆಡೆಸಿ, ಸೋಂಕಿತರಿಗೆ ಕೂಡಲೇ ಚಿಕಿತ್ಸೆ ನೀಡಿ :​ ಉಸ್ತುವಾರಿ ಸಚಿವ ಬೊಮ್ಮಾಯಿ

ಉಡುಪಿ​: ಜಿಲ್ಲೆಯಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಕೋವಿಡ್ ​ಪರೀಕ್ಷೆಗಳನ್ನು ನೆಡೆಸಿ, ತ್ವರಿತವಾಗಿ​ ಸೋಂಕಿತರನ್ನು ಪತ್ತೆ ಹಚ್ಚಿ, ಕೂಡಲೇ ಅವರಿಗೆ ಚಿಕಿತ್ಸೆ ಆರಂಬಿಸುವುದರ ಮೂಲಕ ಜಿಲ್ಲೆಯಲ್ಲಿ ಕೋವಿಡ್ ಎರಡನೇ ಅಲೆ​ ಹರಡುವುದನ್ನು ನಿಯಂತ್ರಸಲು ಅಗತ್ಯ ಕ್ರಮಗಳನ್ನು ಕೈಗೊಳ್ಳಬೇಕು , ನಿಲರ್ಕ್ಷಿಸದರೆ...

ಉಡುಪಿ: ಶಿರೂರು ಮಠಕ್ಕೆ ನೂತನ ಪೀಠಾಧಿಪತಿ ನೇಮಕ ವಿಚಾರ: ಶ್ರೀ ಲಕ್ಷ್ಮಿವರ ತೀರ್ಥರ ಪೂರ್ವಾಶ್ರಮ ಸಹೋದರರಿಂದಲೇ ಆಕ್ಷೇಪ!

ಉಡುಪಿ: ಉಡುಪಿ ಶಿರೂರು ಮಠಕ್ಕೆ ನೂತನ ಪೀಠಾಧಿಪತಿ ನೇಮಕಕ್ಕೆ ಸಹೋದರನಿಂದಲೇ ಆಕ್ಷೇಪ ವ್ಯಕ್ತವಾಗಿದೆ. ರಾಮನವಮಿಯಂದು ನೂತನ ಪೀಠಾಧಿಪತಿ ನೇಮಕ ದ್ವಂದ್ವ ಮಠವಾದ ಸೋದೆ ಮಠಾಧೀಶ ರಿಂದ ಘೋಷಣೆಯಾಗಿದ್ದು ಇದಕ್ಕೆ ಶ್ರೀ ಲಕ್ಷ್ಮಿವರ ತೀರ್ಥರ...

ವಾರಾಂತ್ಯದಲ್ಲಿ ಈಗಾಗಲೇ ನಿಗದಿಪಡಿಸಿದ್ದ ಮದುವೆ ಇನ್ನಿತರ ಕಾರ್ಯಕ್ರಮಗಳಿಗೆ ಅವಕಾಶ ನೀಡಬೇಕು – ರಘುಪತಿ ಭಟ್ ಆಗ್ರಹ

ಉಡುಪಿ: ರಾಜ್ಯದಲ್ಲಿ ವಾರಾಂತ್ಯ ಸಂಪೂರ್ಣ ಕರ್ಫ್ಯೂ ಜಾರಿಗೊಳಿಸಿದ ದಿನ ಈಗಾಗಲೇ ನಿಗದಿಪಡಿಸಿದ್ದ ಮದುವೆ ಇನ್ನಿತರ ಕಾರ್ಯಕ್ರಮಗಳಿಗೆ ಜನ ನಿಗದಿಪಡಿಸಿದ ದಿನದಂದೆ ಅವಕಾಶ ಕಲ್ಪಿಸುವಂತೆ ಶಾಸಕ ರಘುಪತಿ ಭಟ್ ಆಗ್ರಹ ವ್ಯಕ್ತಪಡಿಸಿದ್ದಾರೆ. ಕೋವಿಡ್ - 19...

ಶೀರೂರು ಮಠಕ್ಕೆ ನೂತನ ಉತ್ತರಾಧಿಕಾರಿ​ಯಾಗಿ ​ಅನಿರುದ್ದ ಸರಳತ್ತಾಯ​ ​ಆಯ್ಕೆ

ಉಡುಪಿ: 16ವರ್ಷ ವಯಸ್ಸಿನ ಅನಿರುದ್ದ ​​​​ಸರಳತ್ತಾಯ​ ​ಎಂಬವರನ್ನು ಉಡುಪಿ ಅಷ್ಠ ಮಠಗಳಲ್ಲೊಂದಾದ ಶಿರೂರು ಮಠದ 31 ನೇಯ ಪೀಠಾಧಿಪತಿಯಾಗಿ ಆಯ್ಕೆ ಮಾಡಲಾಗಿದೆ ಎಂದು ಸೋದೆ ಮಠದ ​ಶ್ರೀಶ್ರೀ  ವಿಶ್ವವಲ್ಲಭತೀರ್ಥ ಸ್ವಾಮೀಜಿ ಹೇಳಿದರು.ಅವರು ಮಂಗಳವಾರ ಹಿರಿಯಡ್ಕ ಬಳಿಯ...
error: Content is protected !!