ಅನಾವಶ್ಯಕವಾಗಿ ಬೇರೆಯವರ ಮನೆಗಳಿಗೆ ಭೇಟಿ ನೀಡುವುದನ್ನು ಸದ್ಯಕ್ಕೆ ತಪ್ಪಿಸಿ. ಏಕೆಂದರೆ ರಾಜ್ಯಾದ್ಯಂತ ಪಾಸಿಟಿವ್ ದೃಢಪಟ್ಟಿರುವ ವ್ಯಕ್ತಿಗಳಲ್ಲಿ ಬಹುತೇಕರು ಹೋಮ್ ಐಸೊಲೇಷನ್ ನಲ್ಲಿ ಇದ್ದಾರೆ.
ಪರಿಸ್ಥಿತಿ ಎಲ್ಲಿಯವರೆಗೆ ಇದೆ ಎಂದರೆ ಸುತ್ತಮುತ್ತಲಿನ ಮನೆಗಳಿಗೆ ಕೂಡ ಮಾಹಿತಿ ಇರುವುದಿಲ್ಲ. ಇದರಿಂದ ತಿಳಿವಳಿಕೆ ಇಲ್ಲದೆ ಆ ಪರಿಸರದಲ್ಲಿ ಇರುವ ಇತರರು ಹೋಮ್ ಐಸೊಲೇಷನ್ ನಲ್ಲಿ ಇರುವವರ ಮನೆಗಳಿಗೆ ಭೇಟಿ ನೀಡಬಹುದು. ಭೇಟಿ ನೀಡಿದ ವ್ಯಕ್ತಿ ಮತ್ತೊಬ್ಬರ ಮನೆಗೆ ಹೋಗಬಹುದು.
ಈ ರೀತಿ ಆಗಿ ಸೋಂಕು ಹರಡಿದರೆ ಅದಕ್ಕೆ ಯಾರು ಹೊಣೆ? ಕಳೆದ ವರ್ಷ ಇದ್ದ ಹಾಗೆ ಪರಿಸ್ಥಿತಿ ಇಲ್ಲ. ಈಗ ಸೋಂಕು ಹರಡುವಿಕೆ ವೇಗ ಪಡೆದುಕೊಂಡಿದೆ.
ಇದಕ್ಕೆ ಕಡಿವಾಣ ಹಾಕುವ ಸಲುವಾಗಿ ಕನಿಷ್ಠ ಪಕ್ಷ ಸಂಬಂಧ ಪಟ್ಟ ಇಲಾಖೆಯ ವತಿಯಿಂದ ಆ ಮನೆಗಳಿಗೆ ‘ಗುರುತು’ ಅಥವಾ ಸುತ್ತಮುತ್ತಲಿನ ಕೆಲವು ಮನೆಗಳಿಗೆ ಮಾಹಿತಿ ನೀಡಿದರೆ Break The Chain ಗೆ ನಿಜವಾದ ಅರ್ಥ ಬರುತ್ತದೆ. ಇಲ್ಲದಿದ್ದರೆ ಇದು ಬರೀ ಘೋಷಣೆ ಮಾತ್ರ ಆಗುತ್ತದೆ.